فارس بلا مأوى الجزء الرابع
قالت بللهفة وقلق:
_ مينفعش الأمر يستني.
رفع وجهه إليها وسألها:
_ هو أي الأمر الي ميستناش.
وبالخارج أشتد الحوار بين ثلاثتهم، فلدي الأمين إصرار رهيب بالقبض عليهما وأخذهما إلي مركز الشرطة، حتي جاء، الحاج نعمان:
_ أي الحكاية يا أمين شوقي؟ .
ألتفت له الأمين وبإحترام أجاب:
_ العيال دي واقفين يبيعو من غير أذن وكمان معهمش بطايق.
فقال جنيدي بإندفاع:
_ ما جولنالك أتسرجت منينا.
أشار له الحاج نعمان ليصمت ونظر إلي فارس وسأله:
_ أنتو فعلاً البطايق أتسر.قت منكو؟.
يكره فارس الكذب لكن لا محالة منه حالياً فماذا سيخبرهم، هل سيقول له إنهما متهمين هاربين من العدالة!.
حاول الإجابة بثقة مزيفة:
_ أيوه يا حاچ أتسرجنا لولا واحد معرفة لينا أهنه الله يباركله، كنا زمانا جاعدين في الشارع.
ظل نعمان ينظر له في صمت فلم يستطع فارس النظر إليه مباشرة، ربما يذكره بوالده نفس الهيبة والهالة المحيطة به تجعلك تقف أمامه بإجلال وإحترام ومهما أتقنت الكذب والحيلة لم تقدر علي إقناعه.
_ خلاص يا أمين شوقي، سيبهم علي ضامنتي أنا، ولو حصل أي حاجة منهم أنا المسئول.
قالها نعمان وعينيه لاتبرح فارس الذي يتهرب من نظراته
رد الأمين بإمتعاض :
_ تضمن مين يا حاج دول شكلهم عيال سرسجية وأقطع دراعي من هنا لو مطلعش وراهم مصايب.
رمقه نعمان بنفاذ صبر قائلاً:
_ ما قولنا خلاص يا شوقي.
وأخرج من جيبه محفظته وأخذ منها بعض ورقات من المال:
_ و خد دول تمن أرضيتهم.
أخذهم الأمين علي مضض و وضعهم في جيبه
تدخل فارس معترضاً:
_ عتسوي أي يا حاچ إحنا هندفعو، معانا دلوق والحمدلله.
_ لما تقفو علي رجليكو وربنا يوسع عليكو أبقو ردو الفلوس.
فقال جنيدي:
_ والله يا حاچ ماعرفنش نجولك أي ربنا يكرمك ويباركلك ويچعله في ميزان حسناتك.
ربت نعمان علي كتفه وقال:
_ متقولش حاجة كفاية الدعوتين دول وربنا يباركلنا كلنا والكل يبقي متراضي، خلاص يا أمين شوقي؟.
أطلق زفر و أجاب:
_ الي تؤمر بيه يا حاج، عن أذنك.
فقال نعمان للآخرين:
_ وأنتو حاولو تخليكو في حالكو وتجنبو الأمين شوقي في أي مشاكل ولو فيه حاجه أديكو عرفتو مكاني فين، تمام يا….
أكمل فارس :
_ محسوبك قاسم و هو چمال.
_ عاشت الأسامي، يلا هاسيبكو أنا بقي، سلام يا قاسم.
أتكأ علي نطق إسمه ملقياً نظرة تفهمها فارس، أزدرد ريقه و رد:
_ سلام يا حاج.
