فارس بلا مأوى الجزء الرابع
رفع السماعة وأجاب:
_ أيوه يا باشا، كله تمام سعادتك قبضنا عليها.
……….
_ تشرف طبعاً يا باشا ده القسم كله تحت أمرك.
……….
_ وأنا في إنتظار حضرتك، مع السلامة.
وضع السماعة علي الهاتف ورمقها بإزدراء قائلاً:
_ الفيلم الي حكتهولي من دقيقتين ده ياريت تشوفي لك حاجة غيره، لأن سيادة العميد زياد البرديسي جايلك مخصوص وموصي عليكي وده معناه إنك وراكي بلوه كبيرة أوي.
أجتاحها شعور بالتوتر والخوف، يبدو الأمر أكبر من ذلك فقالت:
_ والله يا بيه كيف ماجولتلك إكده، أني الحمدلله مابكدبش ولا بحب الكدب واصل.
رفع إحدي حاجبيه بعدم تصديقها:
_ كله هيبان، الباشا علي وصول.
أنزوت في إحدي الأركان تخشي الجلوس لينهرها أو يصيح بها، ظلت تردد الأستغفار بصوت غير مسموع ثم قالت:
_ يارب.
طرقات علي الباب ألتفتت لدخول إحدي العساكر الذي أدي التحية وقال:
_ زياد باشا وصل ومعاه ضيف تبعه يافندم.
نهض الضابط قائلاً:
_ وأنت سايبهم واقفين بره وجاي تستأذني يا غبي، دخلهم.
عقدت ساعديها أمام صدرها وتمسك بتلابيب عباءتها القطنية و وشاحها الخفيف التي أنسدلت منه علي جبهتها خصلاتها البنيه.
أنفتح الباب و ولج رجل ذو هيبة يرتدي بدلة رسمية وعندما رآه الضابط أسرع نحوه يصافحه بإجلال وإحترام.
_ القسم نور بمعاليك يا باشا، أتفضل حضرتك.
_ تسلم يا سيادة النقيب، أومال هي فين؟.
_ أهي ياباشا.
قالها وتقدم نحو سمية يجذبها من زراعها وألقي بها أمامه بعنف، صاح به العميد زياد:
_ أي الي بتهببو ده، أنا وصيتك عليها تخلي بالك منها مش تبهدلها.
توترت ملامح الضابط فقال:
_ والله يا باشا أنا أفتكرتها عملت مصيبة كبيرة خاصة لما عرفت حضرتك جاي بنفسك تحقق معاها.
زفر بضجر من هذا الأحمق:
_و لو أفترضنا إنها عاملة مصيبة من أمتي وأحنا بنعامل المتهمين بالطريقة المهينة دي!، أتفضل يا سيادة النقيب سيبني معاها.
أومأ له بإعتذار:
_ آسف يا باشا.
وغادر، فألتفت زياد إليها وأشار بيده نحو المقعد المقابل له:
_ أتفضلي يا آنسه سمية، وبعتذر عن الطريقة الي عاملوكي بيها هم فهمو أوامري غلط.
رمقته بتوتر وقلق وطيف إبتسامة لاحت علي ملامحها:
_ ولا يهمك يا باشا، بس ممكن أعرف أني ليه مجبوض عليا؟.
إبتسم و رد:
_ هو طلب شخصي من حد عزيز عليا مكنش عارف يوصلك ولجألي.
