فارس بلا مأوى الجزء الرابع
أنتهي الطبيب وقال:
_خلاص خلصنا يا جميل.
سأله والد ندي والقلق منبلج علي ملامحه:
_ هو الجبص ده هيقعد لحد أمتي يا دكتور؟.
_ أطمن حضرتك هم تلات أسابيع بالكتير وتيجي تفكه، بس أهم حاجة تاخد الدوا بإنتظام مع الأكل الصحي زي اللبن والبيض ومنتجات الألبان.
كادت تحملها ندي فسبقها والدها قائلاً:
_ عنك يابنتي.
خرج جميعهم إلي الرواق بالمشفي فسألتها والدتها:
_ أنتي بلغتي جوزك بالي حصل لبنته؟.
تدخل والدها وقال:
_ ملهاش لازمة يا أم ندي تقلق الراجل وتخضه، إحنا نبقي نكلمه ونعزمه يجي يتغدي عندنا وكده كده هيعرف.
_ أنا نسيت فعلاً أقوله أتلهيت من الخضة علي لارا.
أشارت والدتها إلي نهاية الرواق قائلة بتهكم:
_ والله أنتي وأبوكي غلابه هو فيه بتستخبي علي الحكومة، قابلي ياختي.
ألتفتت ندي لتجده يسرع خطاه وقادماً نحوهم بملامح يسيطر عليها القلق والخوف والإمتعاض منها بذات الوقت، تفوه وهو يلتقط أنفاسه:
_ سلام عليكم يا عمي.
_ وعليكم السلام يابني.
_ أي الي حصل للارا، أصل كنت قافل تليفوني ولاقيت واحد من رجالتنا جاي يقولي الجماعة راحت مدرسة البنت وخدوها علي المستشفي.
أجاب حماه:
_ خد نفسك الأول، الحمدلله خير، هم أتصلو علي مراتك وقال لها كانت بتجري في الجاردن مع أصحابها وفجاءة وقعت علي دراعها فضلت تصرخ ولحقوها في عيادة المدرسة عمله لها الإسعافات الأوليه لحد ما روحنا خدناها، و زي ما أنت شايفها أدامك أهي.
أقترب من إبنته ومسح علي خصلاتها قائلاً:
_ حبيبتي ألف سلامة عليكي ياقلب بابي.
وقام بتقبيل رأسها، فاجاءته الصغيرة بكلماتها:
_ أنا زعلانه منك أوي يا بابي عشان سايبني أنا ومامي عند جدو ومش عايز تاخدنا عندك في شقتنا.
أعتراه الإحراج ولم يجد رداً علي كلامها، فربت جدها عليها بحنان:
_ ما هو بابي جاي معانا عشان نتغدي كلنا مع بعض.
قال أكرم عندما وجد في عينين زوجته عدم الترحيب به:
_ معلش يا عمي خليها في وقت تاني.
لوت حماته شفتيها بإمتعاض، فتشدقت:
_ ربنا يهدي الحال.
_ طيب يلا بينا عشان نروح قبل زحمة المرور.
قالها والد ندي، فقال الآخر:
_ معلش ياعمي أتفضل حضرتك أنت وماما عايز ندي أتكلم معاها ونبقي نحصلكو.
نظر والدها إليها وأومأ لها بأهدابه فقال:
_ خد راحتك يابني وإحنا هنستناكو في الإنتظار تحت.
