فارس بلا مأوى الجزء الرابع
كاد يلقنها صفعة لكن هناك يد أقوي منه قامت بمنعه، ألتفت ليري صاحبها فتلاقت عينيه برماديتين تحدقه بنظرة نارية جاءت من أعماق الجحيم لو تقاذف منها لهيبها لأحرقه حتي يتفحم ويتطاير كالرماد.
_ لو يدك كانت لمستها كان زمانك مدفون مكانك.
#الفصل_العشرون
#فارس_بلا_مأوي
#بقلمي_ولاء_رفعت_علي
ثار غضب هذا الأحمق فصاح به:
_ وتطلع مين أنت كمان يا حليتها؟.
نفض فارس يده وكأنه يلقي بقمامة:
_ أني الي لو فكرت تجرب منيها لأخليك ما تشوف الشارع تاني واصل.
تبدلت حالتها من الغضب إلي السعادة العارمة بداخلها وهي تري وتسمع تهديداته الجادة لهذا البغيض.
باغته ممدوح بدفعة قوية في صدره وقال:
_ شكلك أنت الي ماتعرفش مين هو ممدوح عنتر، ده أنا أفعصك يالاه زي الصرصار.
_ طيب أجصر الشر وروح لحالك أحسن لك.
لكزه بعنف في صدره مرة أخري:
_ أنا بقي طلعت في دماغي وعايز أشوف آخرك أي ياعم الشبح.
زفر فارس بنفاذ صبر وقال:
_ اللهم يطولك يا روح.
تدخل جنيدي قائلاً:
_ مين ده الي يدو شكلها هتتوحشو ياصاحبي؟.
صاح الآخر بسخرية:
_ده أنتو عصابة بقي، ولاه يا سكينه، يا حوكشه.
هرول شابين إليه يمتلك كل منهما طولاً فارعاً وجسداً قوياً لكن مظهرهما لايوحي سوي إنهما أجساد قوية بعقول عصافير.
أجاب إحدهما بصوت غليظ:
_ نعم يا كبير.
أشار له وللآخر علي فارس وجنيدي قائلاً:
_ العيال دي بتغلط في كبيركو.
رد المدعو حوكشه:
_ الي يغلط في المعلم نمسكو من قفاه وعليه نعلم.
و بدأ العراك مابين الأربعة، تسلل ممدوح جانباً حتي لايصاب بأذي، أوقفهم جميعاً صوت الأمين شوقي حيث ذهبت إليه شهد لتستغيث به :
_ والله عال، خناقه وضرب ولا كأن فيه حكومة يا غجر.
قال ممدوح:
_ رجالتي يا أمين شوقي بيدافعو عن نفسهم، العيال دول جايين يهجمو علينا وإحنا قاعدين في أمان الله.
صاح فارس بإستنكار:
_ أبداً يا سيادة الأمين، الراچل دي لاجيته عيضايج الآنسه وأني مينفعش أشوف حاچة كيف إكده وأجف أتفرچ.
تممت شهد علي حديثه:
_ أيوه يا أمين شوقي، كل الي قاله صح، ممدوح كان بيضايقيني ولما وقفته عند حده كان عايز يمد إيده عليا.
وبدأت تبكي بتصنع، فقام ممدوح بسبها في نفسه:
_ آه يا بنت ال…..
وقال جنيدي:
_ و كمان بعد ما صاحبي عيجولو عيب إكده ما عاچبوش الحديت وراح نادم علي العيال دول لأچل يضربونا.
