فارس بلا مأوى الجزء الرابع
_ ترجلت من سيارة الأجرة أمام المتجر تتحدث في هاتفها:
_ أنا أدام المحل دلوقت، خد بالك من نفسك يا حبيبي ترجع بالسلامة.
_ شهد زي ما وصيتك مش عايز مشاكل مع الزباين وقبل ما تقفلي خلي الواد حموده يقفل الكهربا من لوحة المفاتيح.
_ حاضر يا بابا، أطمن، مع السلامة يا حبيبي.
وبعد إنتهاء المكالمة، دست يدها بداخل حقيبة يدها تبحث عن المفاتيح لكن لم تجدها، زفرت بتأفف:
_ يادي الحظ والزهايمر الي أنا فيه، لما أكلم الواد حمودة أأكد عليه لينسي مفاتيحه هو كمان.
هاتفت مساعدها المدعو حمودة لكنه أعتذر بعدم المجئ اليوم وهذا بسبب مرض والدته وإنه سيذهب بها إلي المشفي ولايعلم متي سيعود.
ألقت نظرة علي الأقفال الموصدة ثم أخذت تتلفت من حولها تفكر في كيفية فتحها، وقعت عينيها علي هذا القادم يحمل حقيبة كبيرة علي ظهره ويتبعه صاحبه الذي يحمل مثله، توقفا علي الرصيف المقابل وأنزل كل منهما حمولته.
وقبل أن تتحرك قدميها إليهما لتطلب المساعدة أوقفها صوت كم تكره صاحبه وتود أن يذهب للجحيم.
_ مساء العسل ياست البنات، محتاجة أي خدمة؟.
أغلقت عينيها في محاولة كظم حنقها، أستدارت له وبإبتسامة صفراء ساخرة ردت:
_ نعم!، عايز أي يا ممدوح؟.
حك لحيته وعينيه تتفحص كل إنشاً بها بجرأة إستفزازية:
_ عايز أخدم الجميل الي تقلان علينا ومش حاسس بينا.
و وضع كفه علي صدره يمسده، حدجته بإزدراء وبإمتعاض قالت:
_ متشكرين يا أخويا خلي خدماتك لزباينك أهو علي الأقل بينفعوك.
أقترب منها وهي تتراجع حتي حاصرها واقفاً أمامها وأستند بيده علي الباب الحديدي خلفها:
_ أخوكي أي يا شهد، ما تحسي بيا بقي ده أنا شاريكي ورايدك في الحلال.
صاحت وهي تدفعه ليبتعد عنها:
_ حلال مين يا راجل يا ناقص، ده أنت علي ذمتك تلاتة، ضافر كل واحدة فيهم برقبتك.
_ و ماله لما أتجوز الرابعة، الشرع محللي مثني وثلاث ورباع ولا ناوية تحرمي شرع ربنا وتكفري بقي.
صاح بها بتهكم
_ اللهي تتجوزك عقربة وتنزل فيك بديلها لحد ماتفضي سمها كله فيك ومتلاقيش مصل يداويك يابعيد، وبعدين أنت تعرف ولا تفهم أي في شرع ربنا، دول نسوانك شاكينك لطوب الأرض عشان مبتصرفش عليهم يابخيل يامعفن، وجاي بكل بجاحة عايز تضمني ليهم!.
رفع يده في وضع الهجوم:
_ لاء بقي ده أنتي زودتيها أوي ولازم تتربي.
