فارس بلا مأوى الجزء الرابع
قالت رسمية بفرحة:
_ ألف مبروك يابتي، أخيراً ربنا كرمك أنتي و ولدي، ربنا يتتملك ويكملك حملك علي خير يارب وتجومي أنتي والمولود بالسلامة قادر يا كريم.
فقالت سعاد أيضاً:
_ إحنا نتصل علي رافع وتو ما يعرف هتلاجيه چاي چري ويحب علي راسك ويدك ورچلك كماني.
أشاحت نوارة وجهها عنها ولم تتفوه بكلمة وآثرت الصمت، فلم يفرق لديها علمه بخبر حملها أم لا!.
ــــــــــــــــــــــــــــــــــــ،،،،،،، ـــــــــــــــــــــــــ
_ صدق الله العظيم.
قالهابعد إنتهاءه من تلاوة آيات الذكر الحكيم ثم أغلق المصحف، ونهض ليتوضأ إستعداداً لأداء صلاة العصر وبعدها يبدأ تلقين الأطفال الدروس الدينية، أستوقفه رؤية طفل نائم في إحدي أركان المسجد ومولياً ظهره، ذهب ليري من هذا الطفل كما أخبره قلبه إنه يعرفه جيداً.
جلس بجواره وأخذ يربت عليه ليوقظه فأستيقظ علي الفور وأستدار إليه فتفاجئ به، فقال بكر بتعجب:
_ عمر!.
نهض الصغير ويغلبه النعاس البادي في صوته:
_ شيخ بكر، معلش أصلي منعستش من إمبارح كنت خايف جوي وأني لوحدي.
_ لوحدك كيف يعني؟.
سأله بكر بعدم فهم، ففسر الصغير مجيباً بحزن:
_ أصلي أتخانجت ويا أمي وطردتني من الدار عشية إمبارح وجالتلي ملكش جعاد معاي يا إبن أبوك وخلي قمر تنفعك، فضلت ألعب مع أصحابي لحد ما كل واحد عاود علي داره وملجتش مطرح أتاوي فيه غير أهنه في المسچد.
ردد بكر بأسف علي الصغير:
_ لا حول ولا قوة إلا بالله، وأي السبب الي خلاها تسوي معاك إكده؟.
رمقه بتوتر فقال:
_ سمعتها عتتفج ويا خالي إنهم يبيعو الدار وعتجوله إن أبوي الله يرحمه كان كتبلها توكيل، فجالها كيف هتبيعي من غير ما قمر تعرف وتوافج هي ليها في الدار ورث أمها الله يرحمها، جالتله ما إحنا هنبيعها في الباطن وقمر تبجي تتصرف ويا الي هيشتريها هتكون هي وأخواتي وخالي هچو من البلد وأتدلو علي أي مطرح تاني محدش هيعرفه.
تجهم وجهه كيف لتلك المرأة التفكير في ظلم زوجته ألم يكفيها ما فعلته معاها! ، وتأتي الآن لتأخذ حقها عنوة!.
_ متوكد من حديتك دي ياعمر؟.
أجاب الصغير:
_ والله ده كل حرف سمعته يا شيخ بكر، ولما شافتني عتسنط عليهم جبصتني من جفاي وسألتني سمعت أي جولتلها كل حاچة وإكده حرام الي عتسويه يا أماه وقمر بت عمتي ماتستهلش منك كل ده، جامت رفعاني من ياجة الترنج وفتحت الباب ورمتني بره الدار وجالتلي كيف ما خابرتك.
