فارس بلا مأوى الجزء الرابع

تستمع لأبيها وتنظر لأسفل بخجل وإحراج، فأخبرته:
_ وأنا بعترف بغلطي والي حضرتك هتقولي عليه هنفذو، بس مش عايزاك تكون زعلان مني أنت وماما.

_ أحنا عمرنا ما زعلنا منك يا ندي، إحنا زعلانين عليكي، مهما كان أنتي بنتنا الوحيدة و دورنا معاكي نوجهك للصح وعايزين نشوفك عايشة حياة سعيدة مع جوزك وبنتك، عمرنا ماهنفرض عليكي حاجة غصب عنك، ولولا إن أنا عارف أكرم كويس كنت قولتلك حل الموضوع ده هو الإنفصال، لكن فيه حل مناسب خاصة أنكو الأتنين غلطانين في حق بعض غير لسه ليا قاعده معاه عشان الي عمله غلط كبير في حقنا قبل حقك، المهم دلوقت أنتو محتاجين فترة نقاهة من الي حصل بينكو اليومين الي فاتو، وإن كل واحد يقعد يراجع نفسه ويعرف الي ليه والي عليه وبعد كده تتصالحو وتفتحو صفحة جديدة وترجعو لبعض، ولا أنتي ليكي رأي تاني.

أعتلت إبتسامة خافتة علي ملامحها فقالت:
_ الرأي رأيك يا بابا، وأنا فعلاً كنت ناوية أعمل كده، لو مش عشاني يبقي عشان بنتي و زي مت حضرتك قولت أكرم برغم الي عمله معايا هو بيحبني وباقي عليا وغلطه معايا أنا السبب فيه.

أمسك بيدها بين كفيه بحنان وربت عليها:
_ عين العقل، هي دي ندي بنتي حبيبتي.

جزت علي شفتها السفلي وفي عينيها طلب مترددة في قوله، فقال لها:
_ قولي عايزة أي وأنا سامعك.

إبتسمت وقالت:
_ طول عمرك بتفهمني من نظرة عيوني، بصراحة عايزة من حضرتك تتكلم مع ماما وتخليها تسامحني أنا مش عارفه أنام طول ماهي زعلانة مني.

_ دي بقي مهمتك أنتي، روحي كلميها وزي ماقولتلك هي مش زعلانة منك هي زعلانه عليكي، أنا هاسيبك تدخلي تقعدي معاها وأنا هقوم أعملكو أحلي طبق فول بالطحينة وعجة ولا موحشكيش الأكل من أيدي؟.

نهضت وعانقته بقوة:
_ ربنا يباركلي فيك يا حبيبي وميحرمناش منك أبداً.

ذهبت نحو غرفة والدتها لكن أنتبهت إلي رنين هاتفها بغرفتها، ركضت لتري من المتصل، وعندما أمسكت بالهاتف ورأت هوية المتصل أجابت علي الفور داعية أن لايكون حدث مكروهاً.
_ الو.
_ صباح الخير يا مدام ندي، مع حضرتك ميس چيلان من إدارة المدرسة.
ردت وأنتابتها حالة من التوتر:
_ أهلاً وسهلاً يافندم، هي لارا كويسة؟.
ــــــــــــــــــــــــــــــــ،،،،،،،ــــــــــــــــــــــــــــــــ

_ دلفت إلي داخل الشركة و وجهتها مكتب المدير، وبعدما وصلت وجدت السكرتيرة تجلس أمام الحاسوب فسألتها:
_ مستر علي جوه؟.