فارس بلا مأوى الجزء الرابع
سحبت يدها صاحت برجاء:
_ لاء بالله عليك.
إبتسم وقال:
_ أطمني أنا عمري ما هأذي حد من أهلك حتي لو رافع نفسه، أنا بعرفك بس أنا ممكن أعمل أي.
تنهدت وأنبلجت إبتسامة علي محياها تخفي ما تشعر به في قلبها الذي ينهرها، كيف لها تطمس حبها للآخر، فما عليها سوي أن تختار ما يمليه عليها عقلها :
_ أني موافجة.
ـــــــــــــــــــــــــــــــــ،،،،،، ـــــــــــــــــــــــ
_ أستيقظت بفزع علي صوت طرقات عنيفة علي باب المنزل، زفرت بتأفف وبحنق قالت:
_ ياربي مين الچحش ولد المركوب الي عيخبط إكده، هو مفيش غيره أبو حزين الله يحرجه.
نهضت وألتقطت حجابها أرتدته علي عجالة:
_ أيوه چاية، اللهي يچيك خابط في نفوخك يا شيخ.
فتحت الباب فوجدته يرمقها بنظرة غاضبة:
_ أي الأخبار يا ست الممرضة؟.
أجابت بتهكم:
_ ولا أخبار ولا أهرام، معيش فلوس أعطيهالك دلوق فوت عليا يومين إكده.
ضرب علي الباب بعنف قائلاً:
_ ولا يومين ولا حتي دقيقتين، باقية الفلوس دلوقتي يا تاخدي شنطتك وتورينا جمال خطوتك.
_ تصدج بالله أنت خسارة فيك كلمة راچل، يالي معندكش دم واصل عايز تطرد حرمة في الشارع لأچل جرشين ملهمش عزا.
جز علي أسنانه وبغضب قال:
_ وعشان خاطر لسانك الي عايز قطعه ده أنتي مش بايته فيها أدامك عشر دقايق تلمي حاجتك وتتكلي علي الله يا إما هاجبلك ستات يجروكي من قفاكي ويطردوكي طردة الكلاب في الحارة.
رفعت قدمها تتناول نعلها قائلة:
_ لاء و علي أي تچيب نسواين يضربوني، ما أنت موچود أهه.
وقامت بالهجوم عليه بكل قوتها تضربه بنعلها وتصيح به:
_ يا راچل يا ناجص يا عره، روح أتشطر علي مارتك الي عترميلك كل شوية خلچاتك من البلكونة قدام الخلق.
أخذ يدافع ولم يكن قادراً عليها فأبتعد عنها و وقف أمام البناء يصيح بتوعد :
_ و رحمة أمي اللي ما بحلف بيها كدب لأعرفك أزاي تمدي إيدك عليا ويانا يا أنتي.
قذفت نعلها عليه قائلة:
_ أعلي ما في خيلك أركبه يا ولد البرطوش، غور كتك داهية صحتني من أحلي نومه نمتها في المخروبة دي.
عادت إلي الداخل تتثائب لتكمل نومها بلا إكتراث، وما أن وضعت رأسها علي الوسادة لتجد طرقات أعنف من ذي قبل علي الباب:
_ لاء بجي مابدهاش أني هچيب له عصاية المجشة وأنزل بيها فوج نفوخه أبو دماغ كيف البطيخة دي.
