حافية على جسر عشقي الجزء الثاني
– هروّحك بيتك يا “ملاذ” عشان تجهزي لأن بكرة كتب كتابنا !!!!
جحظت “ملاذ” بقوة و هي تصيح :
– نــعــم !!!!! كتب كتاب مين !!!!
أبتسم بدوره و هو يقول متفرساً تعابير وجهها العفوية :
– كتب كتابنا يا ملاذ !!!!
– أنت بتهزر صح ؟!!!
قالت بتفاجأ لتكمل بعدم أستيعاب :
– لاء يا ظافر مش بُكرة أنا لسة عندي حاجات كتير أعملها ، أنا حتى لسة هتفق مع عماد عشان ننهي الخطوبة الـ fake دي !!!
أظلمت عيناه الزيتونية ليقترب منها مزمجراً بنبرة حاول أن يجعلها هادئة :
– مش قولتلك قبل كدا متجيبيش سيرة راجل على لسانك ، و بعدين أول مـ كتابنا هيتكتب عماد مش هيبقى ليه ظهور في حياتك أصلاً !!!
أنزوى ما بين حاجبيها و هي تقول بإعتراض تام :
– مستحيل عماد دراعي اليمين في شغلنا و أنا بثق فيه جداً !!!
أغمض عيناه بأنفعال ليفتحهما مجدداً قائلاٌ بإيجاز :
– هنبقى نشوف الموضوع دة بعدين !!!!
نظرت له “ملاذ” بتوتر و هي تقول بخفوت :
– ظافر دة جواز .. و أنا لسة مش عارفاك أوي و أنت متعرفنيش كمان ..!!!
أقترب منها “ظافر” لحدٍ خطير و هو لا يستيطع التحكم بنفسه ، نظرت “ملاذ” داخل عيناه و أنفاسه الساخنة تضرب وجهها ، وجدت يداه تمتد إلى خصلاتها تزيحها عن وجهها ، أغمضت عيناها تتنفس بصدرٍ مهتاج ، وصل إلى مسامعها همسه الخافت و هو يتمتم :
– لاء أنتِ عارفاني .. من لما كان عندك 5 سنين و كنتي بتعيطي عشان تطلعي من الأوضة اللي أبويا كان حابسك فيها ، يمكن متفتكريش بس المهم أني عارفك ، و عارفك كويس أوي يا ملاذ يمكن أكتر منك أنتِ نفسك ، عارف أن من وأنتِ صغيرة عنيدة ودماغك ناشفة ، مش بتسيبي حقك مهما حصل ، ذكية و قوية ومحدش يهزمك ، عارف كمان أن أكتر لون بتحبيه الأحمر ، و التاريخ اللي عدى عليكي و مستحيل تنسيه لما باباكي و مامتك .. أتوفوا ، عارف أنك بتحبي أختك جداً ومش بطيقي أن حاجة وحشة تحصلها ، عارف أنك عندك حرق كبير في رجلك الشمال بس مش عارف من أيه ، عارف أنك عصبية جداً .. و عارف أنك لما بتشوفي طفل صغير بتبقي طفلة زيه بالظبط ، عارف أن في حاجات جواكي مكتومة مش عايزة تطلعيها ، و أنك مش بتحبي أبداً تبكي قدام حد .. عارف أن في خراب جواكي بس مش بتظهري دة .. عارف أنك هشة جداً من جوا مع أنك من برا تباني أقوى بنت في الدنيا ، مهما حصلك دايماً بتبهريني بإبتسامتك وقوتك ، عشان كدا عجبتيني .. أنا عارف عنك حاجات كتير أوي يا ملاذ !!!
