حافية على جسر عشقي الجزء الثاني
وضع “ظافر” كلتا يداه بجيبه ليقول بصوت متحشرج أثر تأثره بقربه منها بتلك الطريقة :
– أنا اللي مش هسيبه وهخليه يتمنى الموت وميطولوش !!!!
– دة حقي أنا و أنا اللي هاخده بإيدي !!!
قالت “ملاذ” بشراسة ليقاطع ذلك التواصل البصري “فتحية” التي دلفت بعينان أمتُلئت بالدموع ، ركضت نحو “ملاذ” لتتلقاها في أحضانها و هي تقول ببكاءٍ :
– تعالي في حضني يا ضنايا .. مين يا حبيبتي اللي عمل فيكي كده !!!
شددت “ملاذ” على عناقها الدافئ لتستريح برأسها على صدرها الدافئ ، مسدت “فتحية” على خصلاتها كالطفلة الصغيرة و هي تقول بقلبٍ أموي مفطور :
– أنا كنت قلقانه من أنك تقعدي لوحدك يا حبة عيني الناس مبترحمش و أنتِ مينفعش تقعدي كدا من غير راجل !!! و بعدين فين خطيبك الزفت اللي أسمه عماد ؟!!
أبتعدت “ملاذ” عن أحضان تلك السيدة الحنون لتضم كفيها محاوطة إياهم و هي تقول بوهنٍ :
– أنا كويسة يا ماما فتحية متخافيش هو معمليش حاجة .. وعماد ميعرفش حاجة عن اللي حصلت .
قالت جملتها الأخيرة و هي تنظر إلى “ظافر” الذي وثب بشموخٍ ، علمت وقتها أنه جمع معلومات كثيرة عنها فلم تتفاحئ أبداً فهي كانت متوقعة ذلك .. “ظافر” ليس باليسير اللعب معه ..
أبتسمت السيدة “فتحية” لتعود شاهقة بعنف ضاربة يدها على صدرها :
– أيه اللي في وشك دة يابنتي اللي أتهجم عليكي هو اللي ضربك كدا ؟!!!!
أسبلت “ملاذ” عيناها بحزنٍ لتعود وتخفيه وراء قناع القوة و هي تقول بمزاحٍ زائف وداخلها حُطام :
– لو كنت فايقاله كنت ردتله القلم عشرة بس حظه أني أغمى عليا عشان مكنتش قادرة أتنفس ..
ربتت “فتحية” على خصلاتها بشفقة لتلتفت و هي تنظر إلى “ظافر” قائلة بوجهٍ بشوش :
– معلش يابني لامؤخذة أنشغلت في ملاذ .. مش أنت اللي كنت معاها لما براءة أختها كانت في المستشفى ؟!!
أومأ “ظافر” دون أن يتحدث لتبادر هي بحنو :
– أنت اللي أنقذتها مش كدا ، ربنا يحميك لشبابك يا بني ومتشوفش حاجة وحشة أوي .. ما شاء الله عليك طول بعرض بجمال وعيون ملونة و آآآ
-خلاص يا ماما فتحية !!!
قالت “ملاذ” بغيظ ليقهقه “ظافر” و هو يرد بلباقة :
– دة من ذوقك يا حاجة ..
• • • •
– يعني هو قالك أنه هييچي ياما طيب ميتى ؟ “أمتى” ؟!!
قالت “ملك” بقلق لتردف والدتها بقلقٍ أكبر :
– معرفش يا بتي والله أنا خايفة على أخواتك قوي .. طب أتصلي أكده بالمستشفى اللي هنا عايزة أسمع صوت مازن يابتي وحشني قوي …
