حافية على جسر عشقي الجزء الثاني
نظرت “رهف” أرضاً بوجهٍ متورداً وهو تقول بقنوط :
– ألبس حاجة يا باسل ..
رفع “باسل” كِلتا حاجبيه قائلاً بمزاحٍ :
– بس أنا مش بعرف أنام غير وانا قالع التيشرت وبعدين انا نايم ف أوضتي ..!!
رفعت “رهف” عيناها له لتلتفت نحو الباب قائلة بحزنٍ :
– أسفة أزعجتك ..
نهض “باسل” سريعاً من على الفراش ليلتقط ذراعها مانعاً إياها من الذهاب و هو يقول :
– أستني يا بنتي أنتِ بتقفشي ليه كدا أنا كنت بهزر والله .. خلاص يا ستي هلبس اهو عشان خاطر خدودك الحمرا دي !!!
نظرت “رهف” أرضاً لتبتسم بخجلٍ ، ألتقط “باسل” كنزته ليرتديها سريعاً ثم نظر إلى “رهف” قائلاً بتساؤل :
– قوليلي بقا كنت عايزة حاجة ؟ الأكل برا عندك على السفرة طلعيه وكلي .. وفي التلاجة اللي أنتِ عايزاه و آآآ….
– أنت زعلان مني صح ..؟
بترت “رهف” عبارته قائلة وهي تنظر بالأسفل بحزنٍ أعتلى صفحات وجهها ، قطب “باسل” حاجبيه بدهشة لتعتلي أبتسامة حانية وجهه ليمسك بذقنها رافعاً إياها بلطف قائلاً بحنو :
– أولاً أياكي تنزلي عينك قدام أي حد حتى لو أنا ، ثانياً بقا أنا مقدرش أزعل منك أساساً وانتِ معملتيش حاجة تزعل ..
شخصت أنظارها على عيناه السوداوية البرّاقة ، لم تستطيع وصف مشاعرها نحوه ، كل ما تعلمه أنه حنون كأبيها التي تفتقده بشدة الأن ، أبتسمت بحزن عندما تذكرت أبيها وذلك الرجل المحتل مكانهِ ، أغرورقت عيناها بالدموع عندما تذكرت ما كان يفعله بها ذلك الرجل ومحاولته للتحرُش بها وأنتهاك حُرمة جسدها
قطب “باسل” حاحبيه و هو يرى الدمعة التي فرت من عيناها بل و نبرتها التي تقول أنها على مشارف البكاء :
– باسل أنا شوفت حاجات كتيرة وحشة في حياتي ، فجأة لقيت بابا بيضيع من بين أيديا .. كان مريض وبيحتاج أدوية كتير و أحنا وقتها ظروفنا مكانتش أد كدا بس أنا كنت بحاول أوفرله اللي أقدر عليه كنت بشتغل صبح وبليل و كنت بدرس كمان ، و ماما مكانش بيهمها حاجة وكانت بتكره بابا أوي وكان نفسها يموت النهاردة قبل بكرة عشان تعيش حياتها ، و فعلاً بابا توفى بعد شهر ووصى ماما عليا ، و أول مـ العدة بتاعة ماما خلصت أتجوزت على طول يا باسل كأنها مصدقت ، و ماما حبته جداً لدرجة أنها كتبت كل حاجة بابا سابهالنا ليه و حتى الشقة كتبتها بأسمه .. و كنت دايماً بشوف الراجل دة بيبصلي بنظرات مكنتش مرتحالها لحد مـ فيوم ماما كانت برا و أنا كنت نازلة رايحة الشغل .. و بكل وقاحة دخل أوضتي وكان عايز آآآ ..
