فارس بلا مأوى الجزء الثالث
أجابت بتآوه من قبضته القوية علي خصلاتها:
_ آآه، فاهمة.
فأردفت ببكاء:
_ سيبني يا أكرم، كفاية بقي.
ترك خصلاتها ليقبض علي عضدها ودفعها نحو الفراش،صاح بصوت هادر مرعب:
_ لاء مش كفاية، و أعملي حسابك قبل ماتتحركي من مكانك يكون عندي علم بكده وتستأذني كمان، حتي دخولك الحمام.
ولكي تتفادي موجة غضبه الناري هذا قالت:
_ ممكن تسيبني أدخل الحمام؟.
_ مش دلوقت.
وقبل أن تفتح فمها بتعجب من رفضه، جذب الدثار الملتفة به وألقاه علي الأرض ثم دفعها علي الفراش ليعتليها ويكمل ما عزم عليه بقسوة وغضب وإنتقام.
ــــــــــــــــــــــــــــ،،،،،،،ــــــــــــــــــــــــــــــــــــ
_ إزاي برئ وإحنا جايبين من تحت سريره شنطة المخدرات! .
قالها الضابط المحقق، ف رد عليه المحامي الذي قام بتوكيله عم جابر من أجل فارس بدلاً من عبدالمجيد
_ يا فندم أنا فاهم وعارف كل تفاصيل الواقعة، بس بالعقل والمنطق كده لو موكلي تاجر مخدرات ومن كمية الكوكايين الي لقتوها تدل أنها لتاجر من الكبار يعني أقل حاجه هيعملها هيخبيها في مكان غير بيته، معني كده دي تهمة باطلة وحد من أعداء موكلي هو الي دبر له المصيبة دي للزج به في السجن والتخلص منه.
قال الضابط:
_ المحامي الي كان قبلك كان بينفي للباشمهندس أن يكون ليه أعداء، حتي أساله بنفسك.
هنا تحدث فارس بعدما عقد العزم علي الدفاع عن نفسه ولم يخشي شيئاً:
_ لاء يا سيادة المقدم ليا أعداء، تجدر تقول هو عدو واحد وهو السبب إن أترمي حداكم أهنه، وحضرتك تعرفه زين.
أنتبه الضابط وأنصت له جيداً، فأردف فارس:
_ رافع خميس القناوي، واد عمي.
قال المحامي:
_ أظن دلوقتي وضحت الرؤية يافندم.
تعجب الضابط وقال بدهشة:
_ وأي السبب الي يخلي إبن عمك يعمل فيك كده؟، ده المعروف إن عيلة القناوي الله يرحمه من أكبر عائلات النجع يعني من الأشراف و والدك الله يرحمه كانت صلته بأخواته كويسه وعمرنا ما سمعنا عن عداء مابينهم ولا مشاكل.
أطلق فارس زفرة عميقة تجيش عما بداخله من حزن وآلام:
_ دي حكاية جديمة ياباشا، من أيام وإحنا لسه صغار، عمره ما حبني واصل وكان علي طول يسوي المصيبة ويلبسهالي كيف الخلچات، يمكن غيره، حقد، أو معاملة عمي ليه الي خلته إكده.
تنهد الضابط معقباً:
_ لا حول ولاقوة إلا بالله، بص يا أستاذ فارس لنفترض فعلاً إنك مظلوم وسعينا نثبت كده، لكن عندك الشهود دول شهادتهم أثبتت عليك التهمة خاصة العيال دول ديلرز وليهم سوابق عندنا، يعني دلوقتي أدامي أدلة الي هي الشنطة الي أتحرزت والشهود، يعني مافضلش غير حاجة واحدة وهي ترحيلك للنيابة.
