فارس بلا مأوى الجزء الثالث
أستدارت له بكامل جسدها وقالت بتهكم:
_ كيف دي، ناسي إنها ليها في الدار يا أذكي أخواتك.
حك فروة رأسه ويفكر بشيطانية مطلقة:
_ عندك حق، بس لجطها.
عقدت مابين حاجبيها وقالت:
_ ناوي علي أي عاد؟.
إبتسم كأبليس حينما يخطط لمكيدة، وقال:
_ عايزك تفتحي دماغك وتسمعيني زين، وتنفذي الي أجولك عليه بالحرف الواحد.
ـــــــــــــــــــــــــ،،،،،،ــــــــــــــــــــــــــــــــ
_ خرجت من المنزل بعدما أطمأنت أن لايوجد أحد سواها و والدتها ذهبت إلي خالها، فهاتفت الطبيب وأخبرته بأنها آتيه لكن عليه أن ينتظرها في مكان ما خارج الوحدة.
وبعدما نجخت في تضليل من يراقبها من رجال رافع، وصلت إلي المكان المحدد، كانت حديقة متطرفة علي حدود النجع مليئة بشجر الصفصاف ذو الأغصان والأوراق المتدلية.
أخذت تتلفت من حولها تبحث عنه حتي أصتدمت به فأستدارت بوجهها له تشهق بذعر:
_ الله يسامحك خلعتني.
ضحك وقال:
_ ألف سلامة عليكي من الخضة، أنتي الي عماله تتلفتي زي الي عامل عمله ومش واخده بالك من طريقك، أي الي رعبك أوي كده؟.
أجابت بتوتر:
_ عادي يعني، ولا رعب ولا حاچة كل الحكاية خايفة لحدا من اخواتي يشوفك وأنت واجف معاي وتحوصل مصيبة.
قال بتعجب ودهشة:
_ ليه الأوڤر ده كله، أنا واقف معاكي في مكان عام يعني مش مختلي بيكي في مكان مقفول ولا بنعمل حاجة حرام.
_ دي عادتنا وتقاليدنا، معلش بجي ممكن تعطيني الحاچة خليني ألحج أعاود بسرعة.
رفع يديه الخالية وقال بمكر :
_ المذكرة مش معايا.
رمقته بحدة مقطبه مابين حاجبيها:
_ واه، كيف يعني مچبتهاش؟ .
أجابها:
_ بصراحة أنا جيت أقابلك عشان عايز أعرف حاجة ويمكن حاجات كتير ومقابل إجابتك هديهالك علي طول.
_ عتساومني إياك؟.
إبتسم فأزداد وسامة وجاذبية قائلاً:
_ حاجة زي كده.
زفرت بحنق وقالت:
_ خليها حداك ولا أرميها في الترعة، عن أذنك.
وكادت تذهب، أمسكها من رسغها وجذبها خلف إحدي الأشجار يخبئها عن الأنظار، فتحت فاها لتصيح فمنعها بوضع كفه علي فمها وأشار لها بسبابته بالصمت، و نظر بحذر من خلف الشجرة حتي تنفس الصعداء و أبعد كفه، وبخته بغضب:
_ أنت أتچننت يا چدع أنت، كيف تمسك يدي و توجفني وكماني تكتم لي خشمي إكده! .
_ كان فيه واحد من رجالة رافع إبن خالك بيحوم في المكان ولولا عملت كده كان شافنا وراح قاله.
حدجته بخجل ونظرت إلي أسفل:
_ أنت خابر بجي كل حاچة.
