عند مفترق الطرق الجزء الأخير

استفزته كثيرا بسيناريوها المشوة عن مشاعره ، لهذا جز بأسنانه قائلا …
– أنتي أصلا مكنتيش ملكي يا سارة عشان اتخلى عنك .. أوعي تنسى أنك مازلتي في عدتتك يعني لسه للآن على حساب زوجك .. والأهم اللي عاوزك تعرفيه من هنا ورايح أنا ما اخترتش بنان گ خيار بديل وأسهل من حرب والدك ولا عملت أفلام وقصص زي ما بتقولى عشان أكل بعقلها حلاوة وترضى تعيش معايا من تاني ..
مضيفا بإصرار وهو يتكأ على ساعده نحوها قليلا ….
– عرفه ليه يا سارة لأنك مش قادره تصدقي الحقيقة اللي قدام عينك أو بمعنى أصح بتتغاضي عنها .. وهو أني رجعت ل بنان عشان فعلا دي رغبتي وأمنيتي .. والأهم أني نفضت عن عيني الغشم اللي كان مليه حبك القديم وبقيت الحمدلله بشوف أنانيتك وعيوبك اللي طلعت أكتر بكتير من مميزاتك.. عيوب للاسف مينفعش تصلحيها ولا أنا اتغاضى عنها كراجل شرقي له كرامته ..

لم تكن سارة هي نفسها من انصتت لتلك الكلمات القاسية منه .. بل كانت روح صامتة متحجرة شبيها بها .. روح ضاعت في بحور الألم مع كل حرف يخرج من فمه .. لهذا حركت شفتيها أخيرا بخذلان ..
– يااااه يا مالك .. كل دا في قلبك .. بقيت أنا وحبي في نظرك دلوقت مجرد عيوب وبس .. في حين أن اصراري وتصميمي هناك كان بيزيد كل يوم على اللي قبله عشان أجيلك لو في أخر الدنيا وأشوف رضاك إيه حتى لو هضحي بسمعتي وبالقريب والبعيد والدنيا كلها عشانك ..

كانت حركة جيدة منها لاظهار إحراجه أمامها مما توالى صمته .. وهذا ما جرأها على أن تزيد بالقرب منه بفحيح همسها الناعم ..
– أنا لا يمكن اصدق أن اللي قدامي دلوقت وبسمع منه الكلام القاسي دا مالك حبيب عمري وأيامي .. مالك اللي مكنش بيستغنى عني لحظة ولا يكمل يومه إلا لما يشوفني أو يسمع صوتي تحت أي ظرف من الظروف حتى لو دقايق معدودة .. يااااام كنت مخدوعة فيك للدرجة دي ..

– سارة أنا ..!!!

همس بنبرة راجية، لتقاطعه وهي تتشبث بيده الموضوعة على الطاولة بينهما ..
– اسكت يا مالك! .. اسكت خالص بدل ما تقول كلام يزعلني منك! .. بدل ما تمحي كل حاجة جميلة بينا في لحظة غضب وترجع تندم عليها بعدين .. اسكت آرجوك عشان سارة حب عمرك مضعش من بين إيديك للمرة التانية للآبد!!

————-

مع تحرك عقارب الساعة أمام عينيها المراقبة لها بدقة واقتحام وقت السحر وجدت البرودة تخترق جسدها حتى باتت تضعفه شيئًا فشيء .. فشدت بساعديها المعقودتين على بنيتها تدفئه بقوة وهي ما زالت صامدة شاخصة على أحد المقاعد رغم مرور كل هذا الوقت منذ مغادرته مع تلك المرأة وعدم عودته حتى الآن..