عند مفترق الطرق الجزء الأخير

جذبتها بنان بقوة لعناقها وهي تردد بابتسامة واسعة عند أذنها ..
– في يوم من الأيام هتفق مع راشد وانتقم منك في مقلب زي اللي عملتيه فيا بالظبط

لتتقهقر عنها ماهيتاب ضاحكة ..
– حرام عليكي عاوزاني اتزف ليه تاني بعد خلفة تلات بنات يا مفترية ..

فشاركتها بنان الضحك بود وآلفة حتى قطعها طرقات باب غرفتها وصوت والدها الحنون من خلفه..
– بنان ممكن أدخل ..

فأجابته سريعا والأحراج يعتليها ..
– أتفضل يا بابا ..

فرصدته يولوج إليها بابتسامة حانية يوزعها على قسامتها المبهرة وهو يردد ..
– سامحينا هو اللي طلب مننا السكوت .. كان عاوز يعملها ليكي مفاجأة تفرحك بعد ما شاف أن مقامك عنده يليق بيها .. اتفق معايا على النهاردة ودبح الدبايح وعمل عقيقة اطعم فيها الفقير قبل الغني وجه يزفك من بيت أبوكي لبيته .. فعوزاني أزاي أقوله لا!.. وأنا كان نفسي أفرحلك فرحة زي دي بعد كل اللي مريتي بيه ..

فكفكفت عبراتها وهي تجثو تقبل يده مردده ..
– ربنا يبارك في عمرك ليا وميحرمنيش منك ولا من ماما وأخواتي ..

فربت على ظهرها يحثها بهمة ..
– طب يلا عشان لو أتأخرنا أكتر من كدا مش بعيد يهجم علينا بنفسه .. دا كان عامل زي المجنون في اليومين اللي فاتوا وجنني معاه من كتر الاتصالات عشان يطمن عليكي ..

تملكها الحياء أمامه بالصمت التام .. فقاما بإصطحبها معه للخارج حيث مالك ينتظرهما .. وما أن سلمها إليه حتى همس له بتقدير ..
– أنا مش هوصيك يا مالك على بنتي لأن شفت في اليومين دول اللي يخلي أي أب يطمن على ضناه معاك ..
ثم دعا لهما بقين ..
– بارك الله لكما وبارك عليكما وأخلف تجمعكما بكل الخير والبركات ..

ليتملك مالك من يد عروسه مبتسما يهدي جبينها بقبلة عميقة، ثم دنى من أذنها هامسا بفيض مشاعره..
” معلش سامحيني .. حبيتها هنا مميزة بين فرحة وأهل .. مش هناك بدون طعم ولون ”

فطالعته منصدمة على استحياء فغمز لها بإحدى عيناه ثم سحبها معه نحو عشهما الجديد بزفة شرقية مبهجة سمع لها القاصي والداني …

—————

الخاتمة

بعد مضي عام ..

ومن أمام البحر الشمالي في أحد أيام شهر أغسطس ..
كان الموج يجاهد بمده مداعبة الرمال، ولا تكف محاولاته كلما بطأ جذره، كأنه شعر بها وبما تصبه من أحزان في بؤرته، ليأتي إليها بسرعته مواسيًا ..