عند مفترق الطرق الجزء الأخير

هالة جنون كادت تلعنها حتى استغاثت بخالقها وعينيها مرقرقة بالدمع .. تفيض عليه بدعائها عن ضرورة نجاته لها من جديد ..

فأتاها في التوّ دعم نبرة حزينة لم تلحظ صاحبها جوارها من البداية ..
– حمدلله على السلامة يا مدام بنان .. أخيرًا فوقتي بالسلامة..

فلم تتوانى واستدارت تستنجد به گحبل نجاة بعد أن ميزت نبرته جيدًا وعلمت من يخاطبها ..
– أستاذ حسين .. ممماالك .. جراله إيه .. عرفني أرجوك وطمني عليه ..

فأسرع بتهدئتها وهو يطالع باب الغرفة بحيرة وتردد ..
– هو .. هو بخير الحمدلله أهدي .. هو بس ..

هنا اضطرب حواسها وتلجلجل لسانها محدثه إياه بترقب مميت ..
ـ بـ.. بـ ..بس إيه !!

مواصلة بتوسل باكي عقب سيناريوهات استنتجها عقها في الحال ..
ـ أرجوك اتكلم على طول وقولي حصله إيه ..

توسلها ارغمه أن يعير اهتمامه إليها كليا وترك تردده متمتمًا..
– يا مدام بنان مش معقول خوفك دا احنا مصدقنا فوقتي بالسلامة من إغماءك .. اهدي لو سمحتي واديني فرصة اشرحلك ..

فأومت بصمت والدموع تتساقط بتلقائية شديدة تنشده الرأفة بها والتحدث سريعا .. وبالفعل سحب حسين أنفاسه متمتمًا بإرتباك ..
ـ مممالك الحمدلله العربية مأثرتش عليه جامد .. بببس برضه أثرت عليه شوية .. أااو أكتر شوية

فاتسعت عين بنان تستوعب هذيانه حتى هدر صوتها ..
ـ إيه دا يا أستاذ حسين هو في جامد وشوية!.. حضرتك كدا اللي بتتعب في اعصابي بطريقتك دي .. أرجوك وضحلي إيه حصله بالظبط .. ولا حالته خطيرة وأنت مخبي عليا

فتفاجات به يستعيد شجاعته ويردد عليها ثقل صدره دفعة واحدة بتنهد ..
– مالك عنده ارتجاج في المخ واحتمال ميكونش فاكر حد خالص .. غير كمان رجله المكسورة ..

فشهقت بنان بصدمة انستها الحديث لوقتٍ قصير حتى همست متلعثمة على فترات ..
ـ م.م.مالك .. مالك..

فنحبت تستأنف ..
ـ فقد الذاكرة!!.. يعني نسينا كلنا!!

فأسرع حسين على أثر ما أصابها مسترأفا ..
– هما بيقولوا مؤقتا يا مدام بنان .. يعني لسه مفيش حاجة أكيد .. غير أنه ممكن يستعيد ذاكرته في أي وقت ..
ثم احنى رأسه يواصل بخفوت ..
– أو الله أعلم هتستمر حالته لغاية أمتى ..

فانتفض على توسلتها الباكية ..
– ارجوك خدني ليه .. أنا عاوزه اشوفه .. حسه أنه لما يشوفني أنا بالذات هيفتكر كل حاجة .. أنا امراته حبيبته .. أكيد هينسى الكل ويفتكرني أنا !!