عند مفترق الطرق الجزء الأخير
“الله مش دا الأعمي بتاع الصبح ..”
“أيوه أيوه هو.. هو الأمور اللي مابيشوفش .. ”
“يا حرام شكله برضه وهو راجع من مشواره تاه تاني .. ”
مسترسلة الأخيرة بعزيمة وإصرار .. بس أنا ممكن اساعده واوصله لطريقه عادي وأهو اخد الثواب ..
لتقاطعها الأخرى بابتسامة صفراء ..
ـ لا أنتي ناسية أنك بشتكي من دوخة وكنتي هتستأذني .. سبهولي أنتي وأنا اللي هساعده ..
فتعترض غيرهن ببريق عينيها الماكر ..
ـ أشمعنا أنتي او هي بقى أمال أنا رحت فين !
لتطلق بنان قسوتها عليهن وتقطع شجارهن مختنقة ..
ـ فضحتونا يا هوانم ياللي فاتكم سن المراهقة من زمان .. دا الرااااجل قدامكم ضرير مش أصم!!
على صرختها تلك انحرج كلهن على حدة صامتين كأنهن تناسوا ملاحظتها تلك في ظل حماسهن .. ليتمتم عليهن مالك بخبث وهو يتشبث براحة يد بنان بين يديه بقوة وانتقام ..
ـ يا جماعة والله يعز عليا قربكم كلكم بس فعلا زي ما بيقولوا الخيرة فيما اختارها الله ..
مواصلا بجدية مزيفة ..
ـ وأنا شايف أن اللي بين أيديا دلوقت كافية ووافية أنها توصلني وتنول ثوابكم العظيم ..
ـ ننننننعم
هتفت بها بنان باستنكار وفزع تنوي الإبتعاد عنه متنافرة لتتقافز عليها ردود افعال الفتيات في توّها ..
” خلاص يا بنان طالما مستغنيه أنا بقول عنك أنتي لما اكسب الثواب دا ..”
” لا ..أنا… أنا اللي محتاجاه يعوضني عن البلاوي السودا اللي عملتها الاسبوع اللي فات ..”
على أثر هذا اتسعت عينيها دهشة من ردود أفعالهن مرة أخرى .. مرددة بغيظ وهي تنزع يده خلفها بخشونة وعنف وتهم به مغادرة ..
ـ وأنا كمان لأول مرة أكذب النهاردة ومحتاجه الثواب دا أكتر منكم عشان أكفر عن جريمتي ..
—————-
” رد عليا يا مالك .. بعدك دا هيجنني ”
” طب أنا أسفه .. أنت أهو فزت في الأخر وخلتني قلتها ليك .. لأن فعلا كان مفروض اعرفك رأي بابا من الأول بس غصب عني خفت مترجعش ليا تاني .. غير أن قلت في نفسي بأن بعد كل سنين العذاب والبعد اللي مرت علينا دي كلها هتخليك تفكر وتضحي عشاني أكتر من الأول ..”
“مالك ارجوك .. مبتردش ليه .. حتى آسفي مش عاوز تقبله .. لا دا كدا كتير بجد ”
” طب صدقني رد عليا الأول وكل حاجة هتتصلح وتتعدل زي ما أنت عاوز .. أنا خلاص نويت اتحدى العالم كله عشان نكون مع بعض بس أنت متسبش أيدي أرجوك لأن هضيع بجد “
