البوص الجزء الثاني
ضحك البوص بخبث قائلاً بمزاج: عارف إنك هتنفذ كل اللي كان نفسك تعمله من زمان.
شرد قليلاً ثم عقد حاجبيه بشدة قائلاً بضيق: للأسف هيه ما سبتش حل تاني قدامي.
اومأ برأسه وهو يشعل سيجاره الغليظ من جديد قائلاً بتساؤل: هيه عرفت إنك اتجوزتها ولا لسه.
هز رأسه بالنفي قائلاً بهدوء مفتعل: لا لسه معرفتش ومش ناوي أقولها دلوقتي غير لما تتحسن حالتها.
تنهد سليم قائلاً بجدية: براحتك يا فتحي…. بس خلي عينك عليها كويس أنا عارفها.
حدجه لثواني قائلاً بتساؤل: هيه تعرف إنك ابن عمي ولا متعرفش….
ضحك البوص بغموض قائلاً بخبث: لا متعرفش سايبهالها مفاجأة.
ابتسم متهكما بقوله الجاد: دماغك دايماً شغاله يا بوص.
نفث دخان سيجاره بالهواء قائلاً بعبث: أومال أنا البوص سليم الأنصاري إزاي… لقبي مش من فراغ يا فتحي.
تأملها فتحي وهي نائمة على الفراش بعد تناولها للعلاج…. جلس بالقرب من جسدها الممد أمامه كاد أن يلامسها بجسده.
قائلاً لنفسه بضيق:- حبي ليكِ بقى زي اللعنة تمام يا سهر… سنين كتير بحاول أطلع منه وانساه لكن مفيش فايدة….احتليتي قلبي من أول مرة شافك… ولغاية دلوقتي مابقاش فيه مكان لحد تاني غيرك… مهما حاولت بفشل.
تأمل وجهها الشاحب والمجهود والتي أصبحت كلما رأته تقطيعه رغماً عنها خشيةً من غضبه… وقسوته عليها التي أصبحت عادة لديه كأنه ينتقم من سنين عمره التي مرت عليه في بُعدها المتعمد عنه.
ابتعد عنها سريعاً عندما بدأت تتململ في الفراش… حدجها بترقب قائلاً لنفسه بتشفي: ولسه ياما هتشوفي مني يا سهر.
فتحت عيونها ببطء تحاول معرفة من معها… قائلة بخفوت: انت تاني يا فتحي…
ابتسم متهكما من قولها الذي لا يعنيه في أي شيء قائلاً بجمود: أنتِ ناسيه إن أنا عملك الأسود.
استمع أدهم الصاوي إلى تبادل لإطلاق النار… خارج فيلته…. فانعقد جبينه بحدة مذهولاً ومبهوتاً مما ينصت إليه.
فأسرع ليشاهد ما الخطب ففوجئ برجال البوص بالخارج يحاوطون المكان بالخارج.
قائلاً لنفسه بغضب صادم: هوا مفيش غيره سليم الأنصاري…. بتر حديثه إلى نفسه عندما شعر بالسلاح يلامس رقبته من الخلف… والبوص من أمامه يقف شامخاً يضع كفيه في جيب بنطاله.
قائلاً بود ساخر: شوف بتوحشني إزاي على طول….!!!
رأى عاصي إضاءة آتيه من تحت الباب… فنظر بساعته فوجد الوقت قد تأخر على موعد نومها.
