البوص الجزء الرابع
وكزته بكتفه بقوة قائلة بضيق: عثمان أنا مش بهزر ابتسم لها قائلاً بالامبالاة: أكيد بتهزري.. مين ده اللي يخلف ويجيب عيال سليم أخويا وانا فاهمه كويس أوي… مش بتاع الكلام ده.
تنهدت بحدة قائلة: ليه هوا مش زي أي راجل عايز يجيب ولد يورث كل الفلوس دي.
رد شارداً هذه المرة: لا يا أيتن البوص غير أي حد.. وانا فاهم كويس هوا ليه اتجوزها.
شعرت الفتاة بالغيرة القاتلة، مما جعلها تتحرك يميناً ويساراً بغيظ وانفعال.
قائلة بحنق: مين دي اللي يتجوزها ويعملها فرح الكل يتكلم عنه.
رفع كتفيه باستخفاف: مش عارف بس اللي أقدر أقوله إنها تستاهل بجد ما انت مش شوفتيها… أنا لو مكانه أخبيها من العين.
نظرات الحقد وضحت بعيونها في الحال، فهمها عثمان قائلاً بسرعة: خلينا في اللي عملتيه، واللي أكيد مش هيعدي على خير.
أخذت تفرك بكفيها في غضب قائلة بحنق: هما الاتنين جابوه لنفسهم مفيش حد يقدر ياخد أي حاجه مني فاهم.
الفصل التاسع عشر الجزء الثاني
وقفت سهر بجانب ركن من أركان اليخت، تتأمل ذلك الاحتفال التي أتته رغماً عنها، مثلما طلب زوجها.
تأففت قليلاً فلم تكن ترغب بالمجئ، حضرت إلى هنا بعد أن أمضت أوقاتاً جميلة بجواره في عطلتهما.
عقدت حاجبيها بحدة وهي ترى فتحي يبتسم لسليم وزوجته العروس.
زفرت بحنق، تضم شفتيها بغيظ، قائلة لنفسها: ده اللي ناقص لازم آجي فرح غصب عني وكمان أعمل نفسي فرحانه ومبسوطه، وفوق ده كله فرح مين البوص.
سارت نحو الأكلات المختلفة الموضوعة على طاولات الأعراس.
تريد إفراغ حنقها به، لاحظ فتحي اختفاءها.. لمحها عند الطعام تأكل بلا هدف.
اقترب منها قائلاً بدهشة: غريبة يعني معقولة أنتِ جعانه للدرجادي.
زفرت بضيق، تتجاهله دون أن ترد عليه، دقق النظر بها قائلاً بسخرية: غيرانة أكيد مش كده.
إلتفتت إليه بحدة قائلة بانفعال: ومين دي اللي أغير منها.. انا.. لم تستطع أن تستكمل جملتها من قسوة نظراته إليها.
غادرت المكان نهائياً، ابتعدت إلى ركن ما باليخت تتأمل النهر.
عله يهدئ من العصبية التي تشعر بها، أتى فتحي خلفها ووقف قائلاً بتحذير: سهر حاولي تمسكي أعصابك أكتر من كده احنا قدام الناس… ومش هسكت.
أغمضت عيونها تجبح دموعها التي تريد الهبوط على وجنتيها، فلا أحد منهم يدرك ما بها.
ابتسم البوص ابتسامة جعلتها تفهم أنها مهما فعلت، لن تفهمه أبداً ولا تعرف ما وراء هذه الابتسامة.
