عند مفترق الطرق الجزء الثاني

لم تستطع بنان في دقائق صحبتها أن تتمالك نفسها من نوبة الضحك رغم حرصها على عدم وصوله لمجلس استقبال الرجال المنعزل .. متيقنة أن وجود نورا معها بروحها المرحة اللطيفة تلك هو كنزًا لها هي لا لها ..
..

مسترسلة بالحديث معها بعد ذلك وروح الأخوة تسودهما حتى هتفت نورا بسعادة ..
– تصدقي أنك طيبة وارتحتلك أكتر وأكتر يا بنان .. فعلا أخرة الصبر أجمل عوض الحمدلله ..

قالتها نورا عن طيب خاطر بعد طول جلسة تسامرهما معا .. لتُدمر بنان استيائها عن كونه للأسف سيصبح تعارف قصير الأمد ما أن ترحل قريبًا .. وهي تجيبها بابتسامة هادئة لا تعكس همومها ..
– أنتي اللي لازم تصدقيني بأن صعب أتعرف على أي حد بالسهولة دي .. بس معاكي بجد كل الصعب اختفى .. لأن القلوب والطباع بقت عند بعضها ..

– ربنا يجبر بخاطرك ..
قالتها نورا وهي تهدهد على وليدها المتذمر لاسكاته مواصلة ..
– الولد شكله مقريف من الجو هنا وتقريبا مش بيسكت خالص من لحظة ما جينا مع أن برطب جسمه كل شوية بحمام بارد ..

فقالت لها بنان برجا ..
– هتهولي اساعدك شوية .. غير أن أنا نفسي أشيله قوي ..

فأعطتها إياه بنفسٍ راضية متضرعة ..
– خدي يا حبيبتي ربنا يعطيكم ويعطي كل مشتاق من وسع يا رب ..

فتراخت معالم بنان بحزن ابرعت في اخفائه عند سؤال نورا المباغت بحيرة ..
– شكلك بتحبي الالتزام الشديد يا بنون ..

فأجابتها بنان وهي تحتضن رأس الصغير بين صدرها ونحرها ..
– إيه اللي أوحالك بكدا ..

– يعني لابسه العبايا واسعة ومش ملفته في زيارتي مع أننا في عمارة واحدة وتحت بعض ..

فقالت لها ضاحكة ..
– لا بالنسبة لشكلها مالك هو اللي اختارها .. ولبستها بس عشان خرجنا أنا ومالك برة قبل ما نجيلكم ..

– وحتى لو .. هو أنتي بتلبسيها دايما في العادة يعني ..

فرددت عليها بنان بدهشة ..
– ليه هو أنتي مش بتلبسيها انتي كمان لما بتخرجي بره ولا ايه

– والبسها ليه .. ما أنا عندي لبس خروج محترم وواسع يعوضني عنها

– عشان الغرامة .. هو جوزك هيناهض يدفعها كل شوية ..

فرددت نورا مستنكرة ..
– غرامة! .. أي غرامة تقصدي

– الغرامة اللي بتندفع للحكومة عشان الستات اللي بتكسر قواعدهم لما تمشي بأي حاجة غير العبايا السودا ..

لم تتلقى بنان تلك المرة استفسارًا منها بل رصدت ضحكة مجلجلة وهي تعقب ..
– بنان فوقي وطلعي رأسك من شباك العربية مرة وشوفي بقية الشعب ماشي ازاي .. دا لو الحكومة عملت بالمبدأ دا هي اللي مش بعيد ماتناهضش و تعتزل الكار بدري بدري ..
مواصلة بأكثر وضوح .. هو أه أهل البلد هنا بتلبس عبايات بس دا لأنها جزء من تراثهم وحابين يحافظوا عليه إنما المغتربين اللي زي حالتنا فليهم مطلق الحرية يلبسوا اللي نفسهم فيه ويرجع لراحتهم بدون أي غرامة ..