عند مفترق الطرق الجزء الثاني

فتمتمت مندهشة ..
– أزاي يعني ..

– أصل بصراحة نازلة السوق أنا وحسين عشان شقتنا فاضية من كله لأن زي ما انتي عارفه اهتمام الراجل بالبيت في غياب مراته مش بيبقى زي اهتمام الست ..
فحستها بنان على المواصلة ..
– طبعا دي حاجة مفروغ منها ..

– عشان كدا مش عرفه اسيب مارو فين ومينفعش بعمره الصغير دا أخده معايا ويتبهدل .. فأنتي جيتي على بالي في أخر لحظة .. فلو بعد أذنك بس ..

فعجالتها بنان بترحاب بعدما فهمت رغبتها ..
– عنك لما تروحي وترجعي بالسلامة .. هو أنا أطول ضيافة زي دي ..

فـراحت نورا تشكرها بامتنان وهي تناوله لها بحرص ..
– متكشرة قوي يا بنان متعرفيش ريحتيني قد إيه ربنا يريح قلبك ..
مواصلة بتوعية وهي تناولها حقيبته الخاصة ..
– دي شنطته فيها ببرونته واللبن مع غيرات وحفاضات احتياطية عشان يعني لو ..
ثم انفرجت شفتيها بضحكة واسعة استعاضت بها عما ستقوله لتجيبها بنان وهي تبادلها الضحك ..
– روحي أنتي ومتقلقيش وكل حاجة بأذن الله هتكون تحت السيطرة ..

ثم تناولت منها احتياجات الصغير وودعت مغادرتها العاجلة حتى اختفت .. لتغلق الباب وتضع الحقيبة عند أول مقعد يقابلها وهي تواجه الصغير لوجهها متمتمة بحرارة ..
– أهلين يا مارو .. مستعد يا ترى لرحلتك السريعة معايا النهاردة ..
مواصلة بخبث ما أن تذكرت وجود مالك معهما ..
– ومع عمو حبيبك ..

كتمت ضحكتها الشامتة عقبها وهي تتوجه به نحو سريرها لتدثره فيه بحرص وبقبلة مطولة .. وبداخلها ممتنة لحضوره اليوم كثيرا .. لقطع سبل تواصل مالك الناعمة وهو يحوم حولها كالمعتاد طول مدة وقوفها في المطبخ ..

———————

صدق حدسها بعادته بعد مرور الساعة حين خرج من حمامه وصلى فرضه وجاء إليها يراقبها عن قرب قائلا ..
– بتعملي إيه ..

لم ترفع عينيها وهي تواصل فعلها متمتمة ..
– امبارح عملت الكباب والمفروض النهاردة أكمل وعدي بالمحشي والبط ..

فابتهج مرددا ..
– الله عليكي ..
ثم جاء بمكر من خلفها ليحصرها بذراعيه مواصلا ويده أمامها تتناول ورقة كرنب مستطيلة لحشوها ..
– هساعدك بقى فيه عشان تنجزي ..

ابتسمت متهكمة لطريقته اللعوبة، وهي تجيبه ببرود ..
– الكمية قليلة ومش محتاجة مساعده ..

راح يجيبها نافيًا وهو مُصر على المواصلة بقربه المستفز ذاك .. فبغت بصرخة الصغير تفزع سكينته متسائلا عقبها باندهاش ..
– ايه دا ..