عشق تحت القيود الجزء الثاني
داليا (بنبرة باردة):
“أنتِ لسه هنا؟ يعني رجعتي بعد كل اللي حصل؟”
وسام خافت من كلمات داليا، وتوقفت مكانها، ثم أخيراً قالت بصوت منخفض.
وسام (بتردد):
“أنا آسفة، ما كانش قصدي… بس حصل موقف مع الزبونة… حاولت قد ما أقدر، لكن ما كنتش قادرة أسيطر على شعوري .. وحصل اللي حصل.”
داليا (بنظرة حادة):
“إنتِ مش فاهمة، لما تعملي حاجة زي دي، بتضيعينا سمعة المكان أهم من كل حاجة، وأنتِ خربتيها لما بوظتي شعر الزبونة.
وسام خافت، لكن كانت تحاول أن تُبرر لنفسها، علها تجد مخرجًا.
وسام (بقلق):
“كنت عايزة أصلح كل حاجة، والله… لكن ما فيش وقت. الزبونة كانت مستعجلة، وأنا حاولت… حاولت أظبط الوضع، لكن… الوقت ضاع.”
داليا (بغضب):
“إنتِ مش بتفهمي، ! في شغلنا ده ما فيش مكان للأخطاء. كل شيء لازم يكون على أكمل وجه. كنتِ غلطانة وخلّصت… وده يعني إنكِ مش مكانك هنا.”
وسام شعرت بالقهر، لكن قبل أن تتمكن من الرد، دخل كامل فجأة، وأغلق الباب خلفه، ووقف أمام المكتب. كانت نظراته جادة، وهو يوجه حديثه إلى داليا.
كامل (بنبرة حاسمة):
“داليا، بلاش تأخدي الأمور لحد النهايات بسرعة. وسام غلطت، بس زي ما قلت لكِ قبل كده… الكمال مش دايما مقياس للناس. إحنا مش هنا نكون مثاليين، إحنا هنا نشتغل مع بعض. واللي حصل مع الزبونة مش نهاية العالم.”
داليا رفعت رأسها بحدة، وتجاهلت كلمات كامل للحظة، ثم أجابت بصوت غاضب.
داليا (بتحدي):
“إنت بتقول كده علشان وسام؟ ده شغلنا، مش لعبة! لو مكانها لسه موجود هنا، هيبقى لازم تعرف إن الأخطاء مش هتتقبل!”
كامل (بهدوء):
“أنا مش هنا عشان أقول كدا. أنا هنا عشان أقول لكِ إنه لازم ندي فرصة للناس علشان يتعلموا. ووسام اتعلمت من غلطها
داليا كانت مشوشة لحظة، تنظر إلى كامل باستياء واضح، لكنها عرفت في النهاية أن قرار كامل كان نهائيًا.
داليا (بتنهد):
“طيب، بس المرة الجاية لو حصل أي خطأ زي ده… مش هكون متسامحة.”
كامل (بابتسامة حادة):
“وأنا واثق إنكِ هتكوني. لكن دلوقتي، وسام هترجع شغلها زي ما كانت. لو فيه أي مشاكل تانية، هنتعامل معاها.”
وسام التي كانت في البداية متوترة، بدأت تهدأ تدريجيًا، وكان قرار كامل بمثابة طوق نجاة لها. ابتسمت قليلًا، ثم ردت على داليا.
وسام (بتواضع):
“شكرًا لحضرتك. وأنا وعدت نفسي إني هبذل قصارى جهدي عشان ما يحصلش زي كده تاني.”
