عشق تحت القيود الجزء الثالث

وسام (تبكي بصوت منخفض، تحاول أن تشرح):
“داليا، صدقيني… كل ده مش حصل زي ما إنتي فاكرة نيتي والله كانت خير. مفيش حد كان عايز يكسر قلبك.”

داليا (قطعت حديثها، وابتسمت ابتسامة شديدة القسوة):
“إزاي؟ مين فيكم كان بيحاول يوقف ده جيتي حكيتي يعني ؟ مين فيكم كان بيحاول يبقى صريح ؟ خطفتي جوزي مني وف الاخر بتقولي محدش كان عايز يكسر قلبك كله كان كذب في كذب. وزي ما فهمت دلوقتي، كل ده كان مخطط منكم بس انا مش هسكت وهجيب حقي منكم”

عادل (يحاول التماسك أكثر، لكن صوته يفضح قلقه):
” داليا والله وسام م ليها اي ذنب انا غلط بعترف بس مش خيانة وسام مراتي ع سنة الله ورسوله

داليا (تقاطع حديثه، عينيها تشتعل حقدًا):
“انت انسان مش قادر تعترف بخيانتك ليا خبيت عني ومخلتنيش اختار واعيش ف كدبة كبيرة دا مش هيعدي مش هتخرجو من هنا غير لما تتحملو تبعات اللي عملتوه

وسام (تسحب نفسها بعيدًا عن نظرات داليا، تحاول أن تجد الكلمات لتخفف من حدة الموقف):
“داليا، أنا مقدرة كل اللي حصل، بس أنا مش في ايدي شيء. أنا لسه حاسة بالذنب… بس أنا مش هقدر أغير حاجة.”

داليا (تقترب من وسام، تنظر إليها بنظرة متجهمة، تكاد تقطع أنفاسها):
“أنتِ مش هتقدري تغيري حاجة؟! أنتِ كنتِ جزء من اللعبة، يا وسام. والنهاردة، هتكوني جزء من الثمن. مش هتطلعِي من هنا زي ما كنتِ فاكرة. إنتِ مش هتكوني هنا، مش في حياتي ولا في حياة عادل، انا هقتلك خالص

عادل (يتنفس بصعوبة، يحاول أن يتدخل ليوقفها قبل أن تنفجر أكثر):
“داليا، لو سمحتِ، سيبيني أتكلم. ده مش وقت تهديد ارجوكي

داليا (تنظر إليه بعينين حانقتين، تقف في مكانها وكأنها تسلخ جروح الماضي على وجهه):
” كل جرح هتدفع تمنه ياعادل انت والبنت اللي فضلتها عليا وانا مش بهدد ياحبيبي انا بعمل ع طول وهتشوف

وسام (صوتها يهتز من شدة الخوف، دمعها يغطي وجهها):
“داليا… أنا مش عايزة ده يحصل. مش هقدر أتحمل أكتر من كده. أنا آسفة… أنا آسفة على كل حاجة بس بلاش تاذيني.”

داليا (تضحك ضحكة غير متزنة، ثم تلتقط مسدسًا من جيبها وتوجهه نحو وسام):
. لو عادل مش هيتصرف معاكي بالطريقة اللي ع هوايا معايا ناس يعملو الواجب

عادل (في لحظة جنون، يصرخ وهو يركض نحوها، يمسك يديها ويحاول أن يسحب المسدس منها بعد م حرر نفسه بصعوبة بالغة):
“خلاص يا داليا، كفايا ! أنا هواجه كل حاجة، بس مش على حسابها.