عشق تحت القيود الجزء الثالث

الحلقة 11
البحر الهادئ في تركيا،

الأمواج تتلاطم على الشاطئ، والمشهد في لحظة غروب الشمس، حيث السماء مغطاة بالألوان الدافئة، والهواء عليل. البحر يعكس الألوان الذهبية، مما يضيف إحساسًا بالغموض والمشاعر المختلطة.

عادل ووسام يقفان بجانب بعضهما على الشاطئ، في صمت طويل. كل منهما غارق في أفكاره، وكأن البحر يعكس عوالمهم الداخلية. عادل يبدو متأملًا ومرهقًا من التفكير في الماضي، بينما وسام تراقب الأمواج بعينين حزينتين.

عادل (بعد صمت طويل، ينظر إلى البحر):
“كنت دايمًا بفتكر إن الحياة ممكن تكون أسهل لو كان عندي أمّ، بس الحقيقة إن مفيش حاجة بتكون زي ما بنحلم بيها.”

وسام (تلتفت إليه، تنظر في عينيه بتساؤل):
“أمك. طيب اي اللي حصلها احكيلي انت عمرك م حكتلي عنها؟

عادل (صوت حزين، يبتعد بنظره إلى الأمواج):
“هي ماتت لما كنت صغير. م شفتش جثتها أبدا، مفيش تفاصيل واضحة، بس كانوا دايمًا بيقولوا إنها ماتت في حادثة… وأنا صدقت ده، رغم إن كل حاجة كانت غامضة وقتها

وسام (بتردد):
“مش غريب إنك ما شفتش الجثة؟ ولا كنت كنت مجبر تصدق؟

عادل (ينظر إليها لحظة، ثم يبتسم ابتسامة حزينة):
“أنا نفسي كنت دايمًا بسأل نفسي نفس السؤال… بس حاولت إنسى. حاولت إني أعيش من غير ما أسأل.”

وسام (تقترب منه قليلًا، تأخذ نفسًا عميقًا):
“أنا كنت عايشة في الحي ده… مع أمي… وبابا مفيش ليه وجود، عمري ما عرفت مين هو. يمكن كانت خيانة أو يمكن قصة قديمة، بس أمي كانت دايمًا ترفض تتكلم

عادل (يستدير فجأة ليواجهها، صوته متوتر):
“ممكن تكون زيّ ما بتقولي، بس… مش كل القصص بتكون زي ما بنشوفها.”

وسام (تنظر إليه بدهشة، دون أن تدرك المعنى العميق وراء كلامه):
“يعني إيه؟”

عادل (صمت لحظة، يفكر، ثم يتنهد):
“في حاجات بتتخبى عن الناس… بس لما تكتشفها، بتلاقي إن كل حاجة كانت قدامك طول الوقت بس انت اللي معمي عينها واول م بتظهر بيحصل انفجار

على شاطئ البحر التركي

، كان الغروب يلون السماء بألوان دافئة، بينما كان البحر يهمس في أذنهما بصوت هادئ، يغسله النسيم البارد. عادل و وسام واقفان بالقرب من حافة المياه، مشهد يبدو هادئًا، لكنهما كانا على مشارف مواجهة مع الماضي، ماضيهما الذي لا يزال يطارد خطواتهما.

بدأ عادل يتحدث بصوت خافت، لكن كلمات حديثه كانت تمزق الصمت بينهما:
“أمي… كانت دايمًا تقول لي إن الحياة مش دايمًا زي ما بنخطط لها، كان عندها قدرة غريبة على رؤية الأمور بوضوح. لكن بعد ما راحت… ما قدرت أصدق إن الحياة ممكن تستمر من غيرها. ما شفتش جثتها، بس… كل شيء كان بيقول لي إنها ماتت.”