مش هتمشي قبل ما نتكلم الجزء الثالث
خرجت زهرت من الشقه،تنهد نائل براحه،تذكر حديث زهرت عن سلسبيل،هو بالفعل كان يهواها تمنى أن تكون من نصيبه لو كان تزوجها لكان قطع كل صلته بتلك الفاجره،لكن قماح سبقه وأختطفها من أمام يديه،وفاز بها…وظل هو فى دوامة الخطيئه مع زهرت الفاجره كان يتمنى أن يتخلص من ذالك الوحل.
……ـــــــــــــــــــــــــــــــــــــــــــــــــــــــــــــــ
بالشقه التى تعيش فيها همس.
إستقبلت وصيفه هدايه بحفاوه وترحاب ثم إستأذنت منها وتركتها مع همس وحدهن.
نظرت هدايه لهمس وفتحت لها ذراعيها.
تبسمت همس لها بمحبه وارتمت بحضنها.
طبطبت هدايه على ظهر همس وقبلت جبهتها قائله:همس الرقيقه اللى زى النسمه،تعرفى أنا كان نفسى أسميكى نسيمه على إسم أمى الله يرحمها،بس المخسوفه قدريه جالتلى إسم جديم،والله هى اللى جديمه،بس وجتها كارم هو اللى جال هاميس،رغم أنه كان صغير وجتها إبن ست سنين،وجالنا انه سمع الاسم فى فيلم لـ رشدى أباظه،ويظهر نهله كانت بتحب رشدى أباظه ووافجت عالاسم.
تبسمت همس قائله:فعلاً ماما بتحب أفلام رشدى اباظه،بس بتحب بابا أكتر.
تبسمت هدايه قائله:انتى هتجوليلى على نهله وحبها لـ ناصر وكمان حبها للجميع مش زى قدريه،معندهاش حب غير لنفسها وبس،والحمد لله محدش من ولادها خد طبايعها غير رباح فيه شويه منيها وشويه من العراب،ربنا يهديه ويصلح حاله.
تبسمت همس قائله:فعلاً رباح عنده شوية تطلُع زى مرات عمى وزهرت كمان زى عمتها،بس عمى مش بيسمع لكلام مرات عمى،إنما رباح بيسمع لـ زهرت وزهرت بتكرهنا وبالأخص سلسبيل،يمكن لان هى أقرب واحده فينا ليها فى العمر.
ردت هدايه:اللى يكرهكم يا بتى يعمى ما يشوفكم ودلوق أنا مش چايه عشان نتحدت عن قدريه ولا زهرت أنا إتوحشتك وكمان عاوزه أتحدت إمعاكى فى موضوع كارم جالى عليه.
تغابن وجه همس وقالت:عارفه الموضوع ده يا جدتى وبقولك بلاش تتكلمى فيه أنا خلاص أخدت قرار.
ردت هدايه:موضوع أيه يا بتى وقرار أيه اللى أخدتيه،همس إنتى لازمن ترچعى تانى للدار بكفياكى يا بتى،إرچعى وإرحمى قلب ناصر ونهله المحروق عليكى،أنا اللى مصبر جلبى على بُعدك ده إنى عارفه إنك لساتك عايشه ولما بتوحشك باجى أزورك،وبطمن عليكى من عمك وكارم من يوم ما عرف إنك لسه عايشه.
تنهدت همس ببكاء:ياريت كارم مكنش عرف إنى لسه عايشه،يمكن كان زمانه نسينى مع الوقت،مكنش لازم أسمع كلام عمى وأظهر نفسى قدامه،وده اللى ناويه عليه أبعد تانى من قدامه،وهو مع الايام هينسانى ويكمل حياته.
