مش هتمشي قبل ما نتكلم الجزء الثالث
نهض النبوى وقال:سلسبيل تعالى معايا،وإنت كمان يا ناصر،تعالى معانا يا نهله.
جذب النبوى سلسبيل من يدها وخرج من الغرفه خلفه نهله وناصر المكدومان المصدومان.
دخل النبوى بـهم الى غرفة هدايه
إحتوى النبوى سلسبيل بين يديه قائلاً: سلسبيل ربنا يعلم إنك فى مقام بنتى مش مرات إبني وكمان همس وهدى فى نفس معزة ولادى، وقد ما فرحت بظهور براءة همس، قد ما إنصدمت وزعلت من طلبك للطلاق من قماح قدامنا بالشكل ده، ليه يا بتى أيه اللى حصل لأكده المتجوزين ياما بيحصل بينهم، أنا عارف طباع قماح صعبه شويه، بس حفيدة الحچه هدايه مفيش حاجه تصعب عليها.
ردت نهله: كنت هجول نفس اللى عمك قاله، عاوزه تطلجى ولسه مكملتيش تلات شهور على چوازك الناس تجول أيه؟
تعصبت سلسبيل من سلبية والداتها وقالت: تقول اللى تقوله مش الناس اللى عايشه فى ذل من يوم ما أتجوزت ولا إتهانت وإتعايرت بذنب غيرها هى بريئه منه، شوفى
قالت سلسبيل هذا وكشفت ملابسها عن سـ,ـاقيها، كذالك يديها، علامات شبه دـ,ـامـ,ـيه
دموع نزلت من عين سلسبيل وقالت من أول ليله من جوازى من قماح وأنا متحمله عـ,ـنفه وأهـ,ـانته ومعـ,ـايرته ليا، غير شك وإتهـ,ـام، بس خلاص فاض بيا لو عاوزانى أحصل همس وأعمل زيها وأقـ,ــ,ـتل نفسى علشان أخلص من الجوازه دى معنديش مانع،وعارفه وقتها مش هفرق معاكى أنا مشوفتش دمعه نزلت من عينك فى عزاها،صدقتى أنها خاطيه زى مرات عمى ماقالت عليها،نفسى مره واحده تحسسينا إننا بناتك وبتخافى علينا بصحيح ويهمك سعادتنا.
إنصدمت نهله ليس من حديث سلسبيل فقط بل من حديث هدى التى دخلت الى الغرفه وساندت سلسبيل بنفس ما قالته سلسبيل وأكثر قائله:
عاوزنا نكون نسخه منك مفيش على لسانا غير كلمة طيب وحاضر،كفايه سلبيه ياماما.
قالت هدى هذا وتوجهت الى ناصر الذى أخذها أسفل كتفه كذالك فتح يدهُ لـ سلسبيل التى إرتمت بحضنه تبكى،ضمهن ناصر بين يديه ببكاء قائلاً:
أنا ميهمنيش غير راحتكم،ولو راحتكم إنى أسيب دار العراب مش هتردد لحظه واحده.
بينما نهله بكت أكثر من مواجهة بنتيها لها بضعفها،إقتربت منهن ووضعت يديها على كتفهن قائله ببكاء:
أنا مقدرش أعيش من غيركم كفايه عليا وجع قلبى على همس اللى دفنته جوايا عشان أقدر أتحمل فراقها.
نظرن هدى وسلسبيل لها ببسمه طفيفه،
