مش هتمشي قبل ما نتكلم الجزء الثالث
أخذت ترى صوره خلف اخرى، كانت صور كثيره لـ قماح
بمواضع مختلفه وأماكن، متى إلتقطت له كل تلك الصور،! ولما إلتقطتها؟!
كان الجواب بإحدى الصور المرسوم عليها قلب ومدون بداخلهُ كلمة حبيبى قماح…ذُهلت سلسبيل وتسألت أيُعقل همس كانت تُحب قماح؟!
أيُعقل أن يكون قماح هو من أخطأت معه همس لذالك فضلت الصمت وقتـ,ــ,ـل نفسها؟!.
……. ــــــــــــــــــــــــــــــــــــــــ
الفصل الثالث عشر.
ـــــــــــــــ
بتلك الشقه
بعد علاقه آثمه نهضت زهࢪت من جوار نائل وتركته وحده بالفراش،سارت عاريه أمام عيناه لم تخجل،سخر نائل منها بداخله كيف لتلك الفاجره أن تخجل أو تستحى،لكن تحدث:
مش ملاحظه إنك عادى كده مع إنك مكملتيش حتى شهر على الإجهاض، لما إتصلتى عليا وقولتى نتقابل إستغربت بصراحه.
تنبهت زهرت لفحوى حديثه ورغم ذالك إدعت عدم الفهم قالت: قصدك أيه بـ عادى كده.
رد نائل: قصدى اللى بتولد أو بتجهض بتقعد أقل واجب شهر بتنزف من وقت للتانى، إنما إنتى….؟
ردت زهرت: مش شرط تنزف شهر او اكتر، طبيعة الأجسام مش زى بعضها عادي جداً وبعدين اللى يسمعك يقول مكنتش عاوزنا نتقابل، ولا تكون زهقت منى، نسيت حبي ليك،وكنت لك شوق فى سلسبيل العراب.
نهض نائل من على الفراش وإقترب من زهرت وجذبها بقوه لصدره يقول:إنتي عارفه جواب السؤال ده سلسبيل مين دى اللى تتقارن بيكى،يا ملكة الأنوثه،أنا بس إستغربت وقولت يمكن حكاية حملك دى ملعوب كنتي عاوزه تستفادى من وراه.
إرتبكت زهرت وقالت:كنت هستفاد أيه أنا فعلاً كنت حامل والنصيب كده.
تبسم نائل إبتسامه خبيثه بداخله متأكد أن تلك الفاجره لم تكن حامل من الأساس،إنحنى يُقبلها بشهوه وقضى معها وقت مُحرم،كآن للحرام زهوه شعر الأثنان بنشوه كبيره،وضعت زهرت رأسها على صدر نائل لاهثه،الى أن هدأت أنفاسها وتحدثت :مش بحس إنى ست غير وأنا معاك فى حضنك،مكنش لازم أتجوز من رباح،بحس معاه بملل وفتور…لو بأيدى أمنعه يلمسنى .
سخر نائل بداخلهُ،لكن قال لها:وأيه يجبرك على إنى تستحملى العيشه معاه،أظن سحبتى منه مبالغ كتيره غير الدهب اللى إشتريتيه.
ردت زهرت:اللى سحبته مش نقطه فى بحر ثروة عيلة العراب،ولا يساوى جزء من حق ماما اللى لهفوه،تفتكر لو كنت فى مستوى بنات عيلة العراب كان أبوك رفض إنك تتجوزينى،كان هيجى يخطبنى بنفسه زى ما جه عشان الست سلسبيل وخد الصدمه فى قلبه،أيه الفرق بينى وبين سلسبيل،أنا أجمل منها بكتير،ولو كنت بنفس ظروفها كان زمان معايا شهاده أفضل منها،عارف أيه الفرق بينى وبين سلسبيل،هى بنت ناصر العراب وأنا بنت مجاهد حماد الموظف اللى مرتبه مكنش بيقضيه سجاير،وباقى مصاريف البيت كانت بتتزكى الحجه هدايه بيه على ماما مع أنه فى الأصل حقها.
