البوص الجزء الأول بقلم يمنى عبدالمنعم
اتسعت عيني عمار بحدة وسخط قائلاً بحنق: أدهم يا صاوي أنا مش عيل صغير علشان تكلمني بإسلوبك ده… ثم ان البوص مش أي حد ومحدش يقدر ياخد منه مناقصه هوا عايزاها.
ضم أدهم قبضتيه بانفعال مبطن قائلاً بغضب مكتوم: بس ده مكنش كلامك معايا هنا من يومين… إيه اللي حصل علشان تغير رأيك بالشكل ده.
نهض من مقعده وواجه بغضب مماثل قائلاً بعصبية: اللي حصل اني فقت وهوه كمان جالي بنفسه هنا وهددني وانت عارفه ساعة ما بيهدد بينفذ على طول… ثم انك لسه ملسوع منه دلوقتي…. ومحروقلك المخزن…. وبعدها يبقى المصنع فهمت أنا اقصد إيه.
احتقن وجه أدهم هامساً بغضب: كل ده مش هيخليني أستسلم له…. تنهد عمار بضيق ووضع كفه هلى كتفه قائلاً بهدوء حذر: تستسلم بمزاجك بدل ما تستسلم غصب عنك.
اكفهر وجهه أكثر مغادراً الحجرة دون أن ينبس ببنت شفه… فزفر عمار بعد انصرافه الغاضب قائلاً بنفاذ صبر: ربنا يسترها من البوص.
مدت ملك يدها بتردد تطرق باب حجرة مكتبه الذي يجلس بها منتظراً إياها فهذا ما أبلغتها به الخادمة…
فتح سليم الباب متأملاً لمظهرها قائلاً بهدوء مفتعل: شاطرة بتسمعي الكلام…. ولا أنا ناسي إنك مبتسمعيش مش كده يا خرسا.
هرب الدم من وجنتيها وعلىَ الاصفرار وجهها مردفاً بود مصطنع: بس مش ده اللبس اللي كنت عايزه يا قطة.
اتسعت عيونها بصدمةٍ كبيرة وهي تحاول فهم مغزى حديثه… وودت لو فرت هاربة من أمامه…. بدلاً من العبث الذي يبدو بحديثه وفي ملامحه.
تنهد بخبث قائلاً بعبث: إدخلي هسامحك بس المرادي علشان تعرفي إني حنين أوي وبالذات مع الحلوين اللي بيسمعوا الكلام.
تجمدت في مكانها لا تريد الحراك… فابتسم مستهزءاً بجانب شفتيه…. وانحنى مقترباً من وجهها قائلاً بهمس ماكر: متخافيش مش هاكلك دلوقتي يا ملوكه.
ثم انطلقت ضحكاته الشرسة جاذباً إياها برفق لتجلس بالقرب منه على منضدة صغيرة قائلاً برقة أخافتها: اقعدي بقى هنا يا جميل علشان نتسلى سوى.
ما أن قال جملته هذه حتى ارتفعت دقات قلبها تصم آذانها بقوة…. وسرت قشعريرة قوية في جميع أنحاء جسدها وهو ينثني نحوها…. شاعرةً بأنفاسه الحارة أمام وجهها وقد أمسك بيده قلماً وبكفه الآخر ورقتين قائلاً بدهاء: دلوقتي بقى هنبتدي نتسلى بمزاج عالي أوي.
ظل أدهم الصاوي يخطو بخطواتٍ غاضبه داخل مكتبه في المساء… لا يعرف ما الحل مع تصرفات البوص التي جعلته يخسر اليوم بضاعة كثيرة بالملايين.
