مش همشي قبل ما نتكلم الجزء الأول
بعد قليل، بالدور الأرضى بالمنزل، بغرفة السفره
كانت العائله شبه مكتمله
تجلس في صدارة الطاوله.
هدايه، وعلى يمينها كان يجلس ولدها الأكبر النبوى وزوجته وجوارها شبان يجلسون بتذمر لكن مجبورين على ذالك و يجلس جوارهم قماح، والناحيه الأخرى كان يجلس ناصر ولدها الثانى وجواره زوجته وجوارها ثلاث فتيات…
نظرت هدايه وقبل أن تتحدث، دخل رماح وخلفه زوجته التي قالت: معليشى يا جماعه جت علينا نومه، هو كده داخلة الشتا والشتا بيحب الكسل والنوم.
ردت هدايه: مش الشتا هو اللى بيحب الكسل والنوم، ده طبع ودى آخر تحذير ليكم بعد كده تنزلى في وسط النسوان تحضرى معاهم الفطور ووجتها هتتعودى تصحى بدرى وتبطلى سهر، وتسهرى چوزك معاكى، لازمن ينعس بدرى عشان يصحى فايج لشغله وسط العمال، بلاش حديت كتير، يلا إجعدوا ودى آخر مره تتأخروا.
نظرت زهرت الى رماح الذي سحب مقعد وجلس عليه دون رد على حديث هدايه، فجلست وهي تتوعد له بذالك لما لم يدافع عنها أمام تهجم تلك العجوز الشمطاء.
جلس الجميع يتناولون فطورهم في صمت، الى أن نهضتا كل من همس وهدى، قائلتان: عندنا محاضرات بدرى يادوب نلحق عشان الطريق، هتوصلنا يابابا ولا السواق اللى هيوصلنا.
رد ناصر: لأ أنا عندى مشوار بعيد عن الچامعه، خلو…
تحدث كارم ثالث أبناء النبوى: أنا عندى مشوار قريب من الجامعه وممكن أخدكم في سكتي.
نظرن همس وهدى لبعضهن وأرادن الرفض، لكن قالت هدايه: وصلهم بس بلاش تسوج العربيه بسرعه الوجت مطارش.
تبسم كارم يقول: حاضر يا چدتى.
بالفعل رغم عدم رضائهن لكن ذهبن مع كارم.
نهض الجميع من على طاولة الطعام، لكن أثناء سير قماح للخروج من الغرفه تصادم مع سلسبيل التي عطست شبه بوجهه دون قصد منها، فأخرج محرمه ورقيه من جيبه وأعطاها لها قائلا بنبرة سخريه وتهجم في نفس الوقت: يرحمكم الله علشان تبقى تبطلى رقص تحت المطر أهو أخدتى برد.
لاحظت هدايه وقوفهم وقالت: شكلك هتاخدى برد يا سلسبيل هخلى واحده من الشغالين تعملك كوبايه چنزبيل بلمون إشربيها وإدفى وهتبجى زينه.
ردت سلسبيل: لأ لو نمت هتعب أكتر خليها تچبهالى في الأتلييه بتاعى اللى في ضهر الچنينه.
ردت هدايه: جصدك المسخط بتاعك، والله يا بتى ما عرفاش أيه الهوايه الغريبه دى، تعملى مساخيط زى اللى في مجابر الفراعنه زمان.
