مش همشي قبل ما نتكلم الجزء الأول
طبطب النبوى على ظهر أخيه وقال بحنو:خلاص يا ناصر،زى أمى ما جالت كل شئ قدر ومكتوب.
كان قماح يقف صمتًا، لكن بداخلهُ حزين على عمه الذى رأها لأول مره يبكى، عمه كان قدوته فى الشجاعه،كيف إنهزم هكذا فجأه بداخله أيقن أن نساء هن فقط القادرات على هزيمة الرجال،وهو لم ولن يسمح لواحده أن تهزمه أبداً.
……
بعض قليل
بشقة زهرت ورباح،بغرفة النوم
خلعت زهرت ذالك المئزر من فوق جسدها الغض تُظهر فتنتها ونثرت إحدى العطور كذالك طلاء شفاه أحمر مُثير،فى ذالك الوقت دخل عليها رباح،نظر لها بإثاره وإقترب منها ووضع يديه حول خصرها.وإنحنى كى يُقبلها لكن..تدللت ونفضت يديه من حول خصرها قائله بدلال خادع سهل علي رباح الوقوع تحت تأثيره:
إبعد عنى،كفايه اللى إحنا فيه؟
رد رباح:وأيه اللى إحنا فيه،إحنا حلوين أهو.
نظرت له زهرت قائله:حلوين فين،مش شايف معاملة جدتك لأمى دى شبه طردتها من الدار،حتى أنا لما إتكلمت إتوففت ليا،ياريتها عملت كده مع بنت عمك يمكن مكنتش جابت العار لينا.
تحدث رباح:بس بلاش تجيبى سيرة همس زى جدتى ما قالت،وبعدين أمك بنت جوزها وعارفه طباعها قد أيه شديده،خلينا فى نفسنا،يا زهرتى قميص النوم ده يجنن.
تدللت زهرت بغنج قائله: مش قميص النوم هو اللى يجنن… القالب غالب يا عزيزى.
تبسم رباح يُعيد قولها:القالب غالب فعلاً وأنتى هوستينى بجمالك من زمان قوى يا زهرت ولسه بتهوسينى.
تبسمت زهرت بدلال تُجيد صُنعه على ذالك المعتوه الذى يسقط فى براثنها بسهوله،بعد قليل
تنحى عنها يشعر بنشوه،وهى تقترب منه وتنام على صدره بخبث قائله:ضحكت عليا،بس أنا لسه زعلانه من كلام جدتك القاسى لماما.
وضع رباح يدهُ على ظهرها وقال:فوتى يا زهرت جدتى ست كبيره وكلمتها بتمشى عالكبير قبل الصغير فى البيت ده،بلاش تتوقفى لها وحاولى تقربى منها أكتر،شايفه مرات عمى نهله وأمى نفسهم ماشين بأمرها،حتى بابا وعمى كمان كلمتها لهم واحده.
ردت زهرت:بس قماح الوحيد اللى مش بيمشى بأمرها،إشمعنا هو؟
رد رباح بحقد:مش عارف ليه قماح الوحيد اللى مش بتقدر تتنى عليه كلمه ومع ذالك بتفوت له…حتى لما كان غايب عنا هنا وعايش فى اليونان مكنتش بتبطل سيرته كأنها كانت خايفه إننا مع الوقت ننساه،ولما رجع تانى كأنها لقت كنز،وهو منفوخ علينا كلنا،وقال أيه هو اللى زود أسم واملاك عيلة العراب بذكاؤه،وده كله حظ مش أكتر.
