مش همشي قبل ما نتكلم الجزء الأول
بينما أكملت هدايه وهى تمسك يدي سلسبيل قائله بحنان وتطمين: سلسبيل إعلمى كويس عمرى ما هسمح لأى حد يذلك حتى لو كان قماح نفسه.
شعرت نهله بفرحه فى قلبها المكدوم وقالت: فى بنتين چم عشان يزينوا سلسبيل.
تبسمت هدايه وهى تُمسد على ظهر سلسبيل، عروستنا زينه مش محتاچه لا لأحمر ولا أخضر، بس مفيش مانع نظهر چمالها أكتر، روحى مع نهله يا سلسبيل وإطمنى.
رغم عدم إقتناع سلسبيل المذهوله هى الآخرى من فعلة جدتها لكن ذهبت مع نهله.
كادت قدريه التى تشعر ليس فقط بغيظ لكن تشعر بكراهيه تزداد… أن تخرج هى الآخرى من الغرفه خلفهن…
لكن قالت هدايه بحِده:
إستنى يا قدريه، بصى يا بت الناس أنا صبرت عليكى كتير من زمان جوى جوى، من يوم ما دخلتى دارى، كنت بفوتلك وأجول أم ولادنا، وإتحملتك عشانهم، زمان كانوا صغار خوفت يفارجوا حضننا، زى اللى كان مفارج (مفارق)… لكن دلوق مش هجول أنهم زينة الشباب، بس هجول بجوا شباب ويعرفوا مصلحتهم كويس،وإنتى اللى فاضلك هى طلجه (طلقه) واحده وبعدها تتحرمى على ولدى،لو عاوزه تكملى بجية حياتك مع ولادك يبجى تبعدى عن سلسبيل وقماح وأوعاكى أسمع عن مشكله حصلت بيناتهم بسببك،وجتها متلوميش غير نفسك،أوعى تفكرينى ساذجه ومصدجه كلامك الماسخ…قماح فى جلبى زى ولادى ، إنتى أكتر إنسانه كرهتيها فى حياتك كانت “كارولين” أم قماح إنتى فرحتى فى م*وتها وإرتاحتى أكتر لما قماح سافر مع چدته لليونان بعدها، رجوع قماح صحى فى جلبك الحجد(الحقد) الجديم، أوعاكى تقربى من قماح وسلسبيل يا قدريه، وإلا هتتحرمى من خير عيلة العراب اللى نفسك فيه لولادك لوحدهم بعيد عن قماح وبنات ناصر ولدى… مش هتكسبى حاچه من فُرقة ولاد العراب يا قدريه فى ثانيه هچمعهم بين إيديا، رچاله كيف ما أنا رايده يكونوا فى ضهر بعض.
………….. ـــــــــــــــــــــــــــــــــــــــــــــ
الثالث.
ــــــــــــ
فوق قبر همس وضع كارم تلك الزهره الصفراء ورفع يديه يقرأ لها الفاتحه الى أن إنتهى متحدثاً:
جيبت ليكى ورده من الجنينه اللى كنتى بتراعيها دايماً يا همس عاوز أقولك إن الصيف حرق ورودها وملقتش غير الورده دى هى اللى لسه بنضارتها، جبتها من الشجره اللى إنتى زرعتيها بأيدك، فاكر لما قولتلى الورده الصفره رمز الغِيره فى.. أنا كنت بغير عليكى حتى من الهوا عارف إنك كنتِ بتتهربى دايماً من حبى،ياريتك قولتليى حقيقة اللى حصل حتى لو كنتِ غلطانه قلبى كان هيسامحك النهارده فرح سلسبيل وقماح… عارف هتقوليلى فرح بالسرعه دى نسيتونى..هقولك لو الكل نسيكى أنا عمرى ما هنساكِ يا همس آنين قلبي.
