في هواها متيم الجزء الخامس
ردت ليان قائلة:
–:” الحمد لله نحمد ربنا”
ومن ثم خاطبت نفسها وهى تقول :
–:” هى ايه الحكاية النهاردة كلهم جايين ليه”
أطرق فاروق برأسه أرضاً وهو يقول :
–:” أنا كنت جايلك فى حاجة ضرورى أوى”
قالت ليان بإهتمام :
–:” خير ان شاء الله فى إيه”
رفع يده كأنه يزيل دمعة فرت من عيناه وهو يقول بإستجداء :
–:” أمك تعبانة أوى ونفسها تشوفك يا ليان مفيش على لسانها الا عايزة اشوف ليان عايزة أشوف ليان وهى دلوقتى مستنياكى تروحى تشوفيها أنا عارف أن العلاقات بينكم مش كويسة بس هى فى الأول والأخر أمك وخايف تجرالها حاجة قبل ما تشوفك”
جف حلقها وهى تقول:
–:” مالها ماما تعبانة فيها ايه”
رد فاروق قائلاً:
–:” وقعت من طولها مرة واحدة وهى دلوقتى تعبانة اوى يا بنتى تعالى شوفيها”
على الرغم من توتر العلاقة بينها وبين أمها ، إلا أنها شعرت بالخوف ، منذ أن سمعت بأنها مريضة ، فوجدت نفسها تذهب معه سريعاً إلى سيارته ، لتذهب وترى أمها ولا تعلم انه فخ نصبه لها صياد دنئ ماكر خبيث
بعد أن أنتهى من الحديث مع زميله ، رآى سيارة فاروق تعبر البوابة الرئيسية للشارع ، فوجد نفسه يستقل سيارته يتبع تلك السيارة التى تقبع بها زوجته فإلى أين ياخذها هذا الرجل ؟
صف فاروق السيارة أمام احد البنايات السكنية الفخمة ، فترجل فاروق من السيارة تبعته ليان ، إلى احدى الشقق فهى لا تعلم أين تقيم أمها مع ذلك الرجل ، فبعد صعودهما للشقة بالمصعد الكهربائى ، وولجت للداخل تنظر حولها
فنظرت إليه وتساءلت :
–:” هو انتوا ساكنين هنا”
رد فاروق قائلاً بإبتسامة شيطانية :
–:” ايوة ساكنين هنا يا حلوة”
ازدردت ليان لعابها ، من تحول صوته من الوداعة لنبرة صوت خبيثة ، فشعرت بالخوف يقبض على قلبها
فأرتدت بخطواتها للخلف وهى تقول بخوف:
–:” هى ماما فين”
ضحك فاروق وقال :
–:” ماما زمانها جاية يا حلوة متخافيش”
أقتربت ليان من باب الشقة وقالت :
–:” أنت قصدك إيه أنا عايزة امشى من هنا”
قبض فاروق على ذراعها وهو يقول ببرود:
– :” هو دخول الحمام زى خروجه يا حلوة أنسى أنك تمشى من هنا”
افلتت ذراعها من بين يده ، تبتعد إلى أحد أركان الشقة ، تكاد تنهار من شدة خوفها ، فدموعها تغزو عينيها بقوة ، تحاول ان تستجديه ان يتركها تذهب من هنا
– :” الله يخليك خلينى امشى من هنا”
