فارس بلا مأوى الجزء الخامس
نظر نحوها وسألها بغموض:
_ خايفة عليه؟.
نهضت لتعتدل في جلستها وأجابت:
_ آه طبعاً خايفة عليك.
حدق في عينيها لثوان ثم سألها مرة أخري:
_ بتحبيني يا ندي؟.
عقدت ما بين حاجبيها بتعجب ودهشة:
_ مالك يا حبيبي، عمال تسألني أسئلة المفروض أنت عارف إجابتها.
تنهد وتجلت إبتسامة لاتعلم أن كان سعيداً أم ماذا! :
_ أنا بس بحب أسمعها منك.
نهضت من جواره لتعتليه ومازالت تحتفظ بالدثار عليها فقامت بجمع خصلاتها الغجرية وألقتها علي جانب واحد أعلي كتفها الأيسر لتظهر له ترقوتها من الجهة اليمني وأتضح عليها وشم أسود بالحناء:
_ أيوه يا أكرومتي بحبك وبخاف عليك، لأنك حبيبي و جوزي وأبو بنتي.
رد عليها وعينيه علي الوشم يحاول قراءته:
_ أوعديني يا ندي إن عمرك ما هتخبي عليا حاجه تاني مهما حصل.
فاجئتها كلماته، ظنت لوهلة إنه قد علم بأمر الرساله الأخيرة، لكن كيف وهي قد حذفتها! ، لاتريد أي شئ يعكر صفو حياتهما مرة أخري،فهي تدرك مدي غيرته القاتلة عليها وخاصة من هذا المدعو علي، أرادت إخفاء توترها فأنحنت للأمام حتي كاد صدره يلامس خاصتها وتفوهت أمام شفاه:
_ أنا عارفه إنك ممكن تكون لسه زعلان مني أو متضايق من كل الي حصل، بس أوعدك أن عمري ما هخبي عليك أي حاجة تاني.
أمسك طرف ذقنها وقال بهيام وعشق:
_ أفتكري كويس إنك وعدتيني.
هزت رأسها بالإيجاب، ضيق مابين حاجبيه بإستفهام:
_ ده أي الي مرسوم علي رقبتك؟.
أجابت بدلال وأناملها تداعب خلف أذنه:
_ ده تاتو بس بالحنا السوده روحت رسمته في البيوتي سنتر الي في الشارع الي ورانا.
وجدت ملامحه يسودها التجهم ليتحول إلي الغضب يجذبها من عنقها:
_ وياتري عشان ترسميه روحتي قلعتي حجابك وهدومك عشان يرسمولك التاتو!.
أزدردت ريقها بخوف من إنقلابه المفاجئ،فأجابت بتردد:
_ لاء، لاء، قصدي أنا خلعت بس الحجاب وخلتني بالبندانه والشيميز نزلته شويه من علي كتفي يعني مقلعتش حاجه، وبعدين ده في قسم المحجبات يعني كل الي هناك بنات وستات بس.
هزها بقليل من العنف:
_ برضو لاء، أول وآخر مرة تعملي حاجة زي كده تاني، عايزه ترسمي زفت أجب لك واحدة لحد البيت وكمان متقلعيش قدامها، محدش يشوف خصلة منك غيري أنا ومحارمك بس، أنتي فاهمه؟.
أومأت له بطاعة:
_ حاضر.
ترك عنقها و أطلق زفرة من أعماقه ليعود مرة أخري ينظر إلي الوشم فجعلها دنت إليه:
_ وأي المكتوب ده.
