ندبات القدر الجزء الثاني
قال بهدوء : عايزة ايه ؟
قبل أن ترد سعل مرات متتالية ، تملكها القلق
قالت : إنت أخدت برد ممكن تغير هدومك دي
_وانتي مالك ؟
= انا الممرضة المسؤولة
بتر كلماتها بغضب وهو يقول : غوري من هنا
انتفضت كليا لكنها ظلت ثابتة وقالت بتحدي : ولو ماغرتش هتعمل ايه يعني ؟
تملكه الغضب من تلك لتتحداني قال بغضب : انتي جريئة اوي عشان تقفي قصادي وتتحديني ؟ !
ابتلعت لعابها وبدا عليها التوتر لكنها تابعت بنبرة مهتزة : وايه يعني لو اتحديتك ، صاحب الحق قوي وانا هنا الممرضة وصاحبة حق .
كور يده بغضب وركل المقعد الذي أمامه وقبل ان يتحدث بدأ يسعل مرة أخرى
انكمشت حول نفسها خوفا فقالت بنبرة لينة ، سيد رازي لازم تغير عشان هتمرض بجد ، إحنا خايفين عليك
أتت أمينة من خلفها و قالت بحنان : إبني رازي هي عندها حق لازم تغير انت وشك ازرق من شدة البرد
ظل صامتا ولم يبدي اعتراضا لذا دلفت قدر إلى غرفته أخرجت له ملابس أخري .
وقالت : اتفضل البس احنا مستنينك برا عشان العشا
نظر إلى الملابس التي اختارتها وقال بعناد : ذوقك وحش
رفعت حاجبها وتمتمت : مغرور شايف نفسه
بتقولي حاجة يا آنسة ، كان هذا رده
_ ما بقولش ، يلا يا ست أمينة
انتظرت قدر وامينة بالخارج بينما بدل ثيابه كان يسعل بصوت عال يسمعانه جيدا
قالت قدر بنبرة بدا فيها القلق جليا : شكله خد دور برد يا ست أمينة ، عايزة انزل صيدلية قريبة من هنا نجيب له علاج ، وشه احمر باين حرارته مرتفعه
خرج هو مرتديا نفس الثياب التي احضرتها قدر
ابتسمت ابتسامة جانبية وهمست : ماكان ذوقي وحش
رمقها بنظرة جانبية وقال : مش في مزاج يسمح لي اختار عشان كده لبستها
اتسعت عيناها بحرج كيف سمعها يبدو وانه يملك حاسة سمع قوية
بدأ يسعل مرة أخرى
جلس على طاولة الطعام لم يأكل لقد فقد شهيته ، ويشعر أيضا بألم لعين في معدته ، يريد أن يتقيئ
دس ملعقة شوربة عدس في فمه وبعدها قام مسرعا إلى المرحاض
تبادلت قدر نظرات القلق مع السيدة أمينة قامتا خلفه مهرولتين
عاد بعدما تقيأ وقال : أنا تمام ، هاطلع ارتاح شوية
خرج صوته وكأنه يرتعش
قالت أمينة بعدما وضعت يدها على جبهته : رازي انت سخن ، اطلع ارتاح وانا هاعملك حاجة سخنة تشربها
اومأ برأسه وقال : ماشي
