ندبات القدر الجزء الثاني
ضحكت مايا باستمتاع وقالت : خلاص مافيش قبضة حديدية تاني ، هي كده شلت تماما ، بمناسبة انك مغرور وشايف نفسك وحاسس ان مافيش حد يقدر يقف في طريقك ، كل العمليات اللي فشلت كنت انا السبب كنت بتصنت عليك واعرف انت هتعمل ايه وابوظ لك خططك كنت ديما سبقاك بخطوة يا حضرة الفاشل ،اه نسيت اقولك عارفة مين اللي قتل هاشم الرفاعي وابنه
تعالت ضحكاتها الجنونية وهي تتابع : أنا اللي قتلت هاشم الرفاعي وابنه وحرقت البيت بيهم .
همست في اذنه كأنها لا تريد احد ان يسمعها : واقولك الادهي من كده أنا حابسة فريدة هاشم الرفاعي عشان ماتعمليش قلق
كان صوت ضحكاتها يتعالى ويرد عليه صدها في الارجاء كأنها ضحكات للشيطان ،وكأن الشر كله تجمع تلك الليلة في جسد مايا
بسق رازي علي وجهها وقال : زي ابوكي برضه تربية و*** بتطعنوا في الضهر ماتقدروش تواجهوا انتوا اجبن من كده بكتير ، انتوا حثالة ، لو فرحانة بالكلاب اللي حواليكي وواخدة وضعك حبتين احب اقولك اني هاسحقك زي ذبابة مالهاش اي قيمة ، لو فاكرة اني خايف فتبقي بتحلمي احلام اليقظة انا رازي الاسم لوحده كفيل يخوف امثالك انتي وابوكي
غلى الدم في عروقها نجح رازي في اثارة غضبها مما دفعها
تقول : اسمع بقى الخبر اللي هيخلي دا يشل زي ما ايدك شلت
أشارت إلى قلبه ،
انا سيبتلك هديتين عشان تفضل فاكرني بيهم ، جيبتلك لوحتك المفضلة ليلة النجوم لفان جوخ عشان كل ما تشوفها تفتكرني
تابعت ببرأة أحسنت اتقانها : مش انت قولتلي انك بتحب اللوحة دي اوي بتفكرك بهدوء الليل والنجوم اللامعة في سكون الليل والرومانسية المتخلفة بتاعتك دي
تابعت بضحكة شريرة : والهدية التانية ما بقاش فيه سنيوريتا خلاص
هوى قلبه أرضا قبل تلك الكلمة لم يكن يهمه ما أصابه من عجز في يده كل ما همه الا يسمع ما جاء بباله وقت سمع سيرة والدته لطالما كانت هي عشقه الاول حبيبته رفيقته ووالدته الحازمة حينما يتطلب الأمر ، تمنى لو يتوقف الزمن عند تلك اللحظة ولا يسمع بأي مكروه يصيبها . شعر وكأن انفاسه تسلب منه .
تابعت بضحكة مجنونة وكأنها فقدت صوابها : أنا خلصت ع السنيوريتا والخدامة اللي معاها ومع الاسف الياس ماجاش انهاردة زي ماقال ، بس مش مهم انا موجودة
وما ان سمع رازي تلك الكلمة حتى خارت قواه ، سقط ارضا يصرخ وقلبه يقطر دما همس : امي
نظر إلى مايا بقهر وجه لها نظرة أقسمت أنها لن تنساها لقد خافت رغم أنه كان مكتف من قبل عشر رجال
قالت وهي تتراجع ادراجها للخلف : يلا بينا
رد احد الرجال : مش هنقتله يا هانم
مسدت على خد رازي فابعد وجهه عنها بمقت شديد لها
