لن استسلم الجزء الأول سارة سعد
*هدرت رتيبة بصوت مرتفع وبكاء مرير وهي تلطم وجهها بشدة:
“أبدا مش هترجع والنبي لولع في نفسي قدامك يا مجدي وكمان هكتب الشقة باسم اختك وأرميك بره أرمي عليها يمين الطلاق وخليك راجل وأنا اجوزك ست ستها”
*برقت مقلتا دلال بالسعادة ترفرف برموشها:
“ااااه زينات جمال وحلوة وجسم ملفوف ونغشه كده وبتحب الضحك والهزار مش الست إلا أنت متجوزها على طول لاوية بوزها وكأنها السفيرة عزيزة”
*التمعت عيناه بالمكر والعبث وهو يقول في داخله بحماس:
“وكمان لابسة شوية دهب حلوين في إيديها وطخينة وملظلظة كده زي البطة”
*أخرج دخان سيجارته الملفوفة كالعادة يقول بعينين زائغتين ونبرة جائعة:
“بس شجن حلوة حلوة أوي ياما وبعدين أطلقها ازاي مش إلا عايز يطلق ده لازم يدفع عشان يعدي ولا إيه الأول آخد منها مبلغ محترم وبعدين أبقى أطلقها وأمري لله”
*ابتسمت أمه بتشفي تطلق زغروطه عالية وهي تقول بفرحة:
“ايوه كده هو ده ابن بطني…بس ديه بقالها يومين مش ظاهرة في الحارة حتى الولية القرشانة أم سعيد تيجي تاخد حاجات من هنا وتمشي ولا حس ولا خبر”
*قالت دلال بشرار يتطاير من عيونها الضيقة وهي تلقي بالبنزين فوق النيران المشتعلة:
“هتكون فين يعني أبوها وأخوها في المستشفى وهي أكيد مع زبون جديد”
*صاح بها مجدي بصرخة مهولة:
“دلال بس متخلنيش أروح اق/تلها دلوقتي وأدخل فيها السجن خلاص قولت هطلقها بس لما آخد حقي منها الأول فاهمين”
*********************
*مر أسبوع……..
*مر عليها داخل هذا البيت الكبير ذو الطراز الكلاسيكي الهادئ… سبعة أيام تعمل بكل ما لديها من قوة وعزيمة حتى تسترضي السيدة الغاضبة التي دائما يرتسم على وجهها العبوس والضيق معها هي فقط ولا تعلم لماذا؟
*زارت جميع غرف البيت…ابتسمت من ذهولها أول يوم بالمنزل وهي تقوم بتنظيف الغرف وكل غرفة تدخلها تخاف أن تجلس على أحد اثاثتها فتتسخ من ملابسها القديمة المستهلكة ولكنها تذكرت أوامر السيدة كريمة فعبست وهي تسمع صوتها الناقوسي يأمر بشدة وعبوس:
“اسمعي يا شجن أنتي تدخلي كل الأوض طبعا علشان تنظفيها إلا أوضتين في البيت ده مش مسموح تقربي منهم….أوضه نوم ومكتب نضال بيه فاهمة؟ هو مش بيحب حد يقرب منهم غيري انا وبس…. إياك تقربي منهم دول مسؤولين مني أنا”
