هويت رجل الصعيد الجزء الثاني بقلم نور زيزو

أومأ “ليلى” لها بلطف حتى لا تشعرهم بالحرج فأستاّذنت “مريم” للذهاب إلى العمل وغادرت “ليلى” مع “عطيه” …

_______________________

كانت “فاتن” محبوسة فى الغرفة مع بناتها حتى فتح الباب ودلف “نوح” وخلفه “خلف” ليضع صنية الطعام أمامهم وقال:-

-كلوا عشان أنا محتاجكم عشان بس أمسك ابنك الفاسد مش أكتر

تحدثت “حورية” بانفعال شديد قائلة:-

-أنت حابسنا أهنا كاننا مواشيى فى الزريبة عندك

أومأ لها بنعم ثم مسكها من شعرها بقوة وقال:-

-أبلعى لسانك يا بنت عمى عشان اللى عملتيه أنا لسه مدفعتكيش تمنه لتكونى فاكرة أنه عدى أكدة

دفعها بقوة إلى والدتها لتمسكها “فاتن” قبل أن تسقط وتابع حديثه بنبرة مُخيفة قائلًا:-

-واااه أنتوا مواشي وحتى المواشي والبهايم أحسن منكم مبيغدوروش ولا بيمكروا لأهلهم، ورب العزة لو سمحت حسك تانى يا حورية لأدفنك حية وأنتِ واجفة كمان متستفزنيش عليكى أكتر من أكدة

طوقتها “فاتن” بخوف شديد منه ثم قالت بضعف:-

-هى حصلت يا نوح بتستجوى على حريم عمك

صاح بها بانفعال شديد وهو يقترب منهم قائلًا:-

-وهى مرتى اللى بنتك ضربتها أيه مش حريم وبعدين رجالتكم هم اللى جُبان وأستخبوا كيف الفئران وابنك هو اللى دخل الحريم فى الموضوع ولا مرتى اللى خطفها كانت راجل، أنا رد فعل لست فاتن وأنا لسه مبدأتش

تحدثت “أسماء” بغضب وهى تحتضن أختها قائلة:-

خلاص خلى مرتك تواجههنا وإحنا حريم فى بعض مالكش صالح أنت

تبسم “نوح” بمكر ساخرًا من هؤلاء النسوة ثم قال:-

-متجلجيش يا بنت عمى هخليها تنزل عليكم بجزمتها وفى وسط الخلج واللى هترفع عينيها فى عهد هطخها بالنار بس بعد ما أبوكى يتعدم وأجتل أخوكى بيدي جدام عيونك عشان تعرفوا أنى هعملها ومهصونش دم وقرابة

غادر المكان بعد أن ترك مؤقت قنبلته يبدأ فى العد التنازلى فى قلوبهم مما سيفعله بهم لتجلس “فاتن” على الأرض ببكاء شديد وترتجف خوفًا ثم قالت:-

-أنا لازم أنبه خالد وأعرفه اللى بيعمله نوح عشان يتصرف زين.. بس كيف لازم أجيب التليفون من أوضتى لكن كيف…

____________________

وقفت “عليا” مع “عمر” فى الحديقة فسألته:-

-عملت كدة ليه يا عمر؟

تبسم “عمر” بلطف وقال:-

-متقلقيش يا عليا وسيبيها عليا أنا هخلى نوح يرضي حتى لو أتشقلبت

عقدت ذراعيها أمام صدرها بغرور مُصطنع وقال:-

-هتعمل المستحيل عشانى.. هتعمل أيه؟