هويت رجل الصعيد الجزء الثاني بقلم نور زيزو

-وبفلحتك بتتخانقى مع الراجل بدل ما تُشكريه، إلا قوليلى يا ليلى مجاش فى بالك أن عطيه ممكن يكون معجب بيكى

قهقهت “ليلى” بسخرية وصوت مُرتفع لتقول بتهكم شديد:-

-إعجاب أيه بس يا بنتى بقولك أسمه عطيه

مسكتها “عهد” من يدها لتوقفها عن السير ثم نظرت إلى وجه صديقتها بغضب وجه عابس:-

-أنتِ بتقيسي الناس يا ليلى من اسمهم، مال اسم عطيه ما تبصي لشخصيته وتحمله للمسئولية، بصي لرجولته وخوفه عليكى من رجل خبيث زى خالد وإلا كان سابك تركبى مع خالد ويا عالم كان هيعمل فيكى أيه؟ معقول بعد سنتين شغل معايا وكلامى عن العلاقات وشريك الحياة لسه متعملتيش أزاى تختارى الراجل ولا مين اللى تفتحي له الباب ومين اللى تقفلى كل الأبواب فى وشه

تحدثت “ليلى” بضيق شديد قائلة:-

-أنتِ يعنى خلاص قررتى أنه معجب بيا؟ يا بنتى دا مفيش مرة بيشوفنى غير لما يتخانق معايا ونمشي كل واحد ضارب التانى بجزمة

تنهدت “عهد” بإستياء من صديقتها وقالت أثناء سيرها للأمام:-

-أنا فكرت أعترضك هيكون على انه رجل صعيدى أو مش هتعيشي فى الصعيد لكن من تافهتك معترضه على الأسم

تنحنحت “ليلى” بحرج من صديقتها ثم قالت:-

-أستنى طيب متزعليش

ركضت خلفها مُحرجة من حديث “عهد” لها …

____________________

كانت “عليا” تراقص مع أصدقاءها فى أستديو الباليه والمدرب يراقبها عن كثب بوجه مُبتسم وبعد أن أنهت تدريبها خرجت من المبنى مُرتدية بنطلون أسود وقميص نسائي عليه سترة وردية اللون وتحمل حقيبة على كتفها وتسرع فى خطواتها حتى تذهب إلى حضانة طفلها ليستوقف صوت المدرب يناديها من الخلف:-

-عليا.. يا عليا

أستدارت له بعفوية تقول:-

-أيوة يا كابتن عمر

تبسم “عمر” وهو يسير نحوها وعندما وقف أمامها قال بنبرة هادئة:-

-شكلك مستعجلة؟

أومأت له بنعم وقالت بلطف:-

-أه عشان سايبة ابنى بس فى الحضانة

قوس شفتيه بضيق وهو يقول:-

-يا خسارة كنت أتمنى نشرب حاجة سوا ونتكلم

تعجبت بذهول من طلبه وظهرت دهشتها فى ملامحها ليقول:-

-ممكن نخليها وقت تانى عشان متتأخريش على ابنك بس توعدينى متنسيش طلبى

هزت رأسها بتوتر من طلبه المفاجيء لها وهى لم تختلط به من قبل سوى فى الإرشادات كبقية الفرقة وهرعت مُسرعة مع رنين هاتفها من الحضانة بسبب تأخرها، تبسم “عمر” عليها وهى تركض مُسرعة ثم بعثر مؤخرة رأسه وشعره الطويل قليلًا بأرتباك من شجاعته فى طلب لقائها ثم ذهب إلى سيارته…