نفوس قاسية الجزء السادس
تشبثت جنة بملابس والدها وأخذت تبكي بألم، فأبقاها آدم بين ذراعيه حتى هدأت فأبعد وجهها عنه ومسح عنها أثار دموعها وقال:
– ليه يا جنة ليه توصلينا للنقطة دي؟
خفضت جنة عيناها وقالت بصوت فطر قلب آدم عليها:
– علشان كنت فكراه بيحبني قد ما أنا بحبه، كنت فكراه هيحاول مرة واتنين وتلاتة، إنما ياسين خذلني يا بابا استسهل الطريق وهرب من أول مواجهة، وأنا مقبلش أبدًا حتى ولو هموت من غيره أني أرتبط بأنسان أسهل شيء عنده يهرب وميدافعش عن حقه، أنا النهاردة عرفت أن قلبي أختار غلط وأن حضرتك كان معاك حق فرفضك ارتباطي بيه.
تنهد آدم بألم ورفع وجه ابنته ليحدق بعيناها وقال:
– جنة أنا مقدرش أشوفك بالحال دا ومقبلش أني أكسرك بدل ما أقويكِ، أنتِ بنتي الوحيدة ولو ياسين هو اللي هيرجعك ليا تاني زي ما كنتِ الشمس اللي بتنور دنيتي والضحكة اللي بتفرح قلبي، فأنا موافق أنك تتجوزيه.
حدقت جنة بوجه والدها بصدمة لا تصدق ما سمعت، فوالدها عاد عن قراره برفض ياسين من أجلها، هل كل ظنونها عن أسباب رفضه لياسين باطلة، هل تنازل والدها من أجل سعادتها؟ ابتعدت جنة عن ذراعي آدم ووقفت أمامه وقالت بهدوء:
– مبقاش ينفع يا بابا لأن التنازل دا من ناحيتك أنت، منكرش أني فرحانة بأنك غيرت قرارك، بس بعد مقابلتي لياسين النهاردة مبقاش ينفع أني أقبل بيه.
تمالك آدم أعصابه وهو يستمع لابنته بمقابلتها لياسين دون علمه، وحين نظرت جنة له همست معتذرة:
– أنا آسفة أوي يا بابا أنا فعلا النهاردة خذلتك بكل الطرق اللي ممكن تتخيلها، خذلتك لما اتصلت بيه ولما قابلته ولما عرضت عليه نتجوز وأسافر معاه من وراكم.
صمتت جنة وأحست بالخذي بسبب وجوم والدها وصمته، فزفرت بقوة وأخذت تقص على والدها مقابلتها مع ياسين، وحينما أنتهت سمعت تنفس والدها الحاد ونظرت إلى يداه وعملت أنه يحاول تمالك أعصابه، فسمعت يقول:
– ياسين فموقفه ورفضه طلبك مش غلطان يا جنة، يمكن رفضه دا كبره فعيني، وعمومًا أنا لسه عند كلامي لو عايزة تتجوزي ياسين أنا مش هقف فطريق سعادتك فكري وبلغيني.
هم آدم بمغادرة غرفة ابنته فوقف أمام باب غرفتها وقال:
– جنة أنا بحلك من قسمك أنك متكلميش ياسين وهرجع ثقتي تاني بيكِ، وهعتبر كل اللي حصل منك واللي قولتيه كأن لم يكن وهبدأ معاكِ من جديد، وأتمنى أن جنة بنتي متخذلنيش تاني ومتضربنيش فظهري.
