عشق الزين الجزء الأول والتاني مروة البطراوي
زين بصلابه :
=طب بس ممكن تقولي السبب …انت معملتش كده مع خليفه
صمت شرف ثم تحدث بصلابه ليؤلم زين
=لان خليفه يقدر يخلف اما انت لا ممكن تخلف ابدا
جاره زين في الحديث
=طب حضرتك عرفت منين؟
شرف بثقه
=من الدكتور اللي كان مشرف علي حالتك
ابتسم زين بمرارة:
=عشان كده عايز تضمن حق شهيرة يا عمي؟تصدق يا عمي كان نفسي تكون ابويا وتدافع عن حقوقي زى ما انت بتدافع عن حقوق بناتك؟
ربت شرف علي كتفيه :
انا ابوك واللي بعمله ده لمصلحتك…عشان ميجيش خليفه وياخد كل التركه …واكمل بحقد :
=زى ما عمل ابوكم زمان.
زين بخبث:
=ما هو ده اللي بيعجبني فيك يا عمي…بكرة الصبح ابدا بتجهيزهات الفرح واطبع الدعاوي…وقبل ما همضي علي قسيمه الجواز هكون ماضيلك علي البيع …انا خلاص هطمن وانت وشهيرة معايا يا عمي
شرف بانتصار
=ربنا يكملك بعقلك يا ابني …كاد شرف ان يخرج ناداه زين قائلا”
=عمي هيا شهيرة عارفه اني مش هخلف؟
استدار شرف قائلا”
=مش هتفرق …هيا بتحبك …لو حابب تقولها قوله…
هز زين راسه وقال :
=ماشي يا عمي…اتفضل حضرتك
خرج زين من المكتب وذهب الي الحديقه ليجد خليفه يجلس مهموما …جلس بجانبه وتنهد قائلا :
=خير كنت عايزني في ايه؟
خليفه بصعوبه سرد عليه ما قالته شهيرة عن اتهام حازم لاسر
زين بنفاذ صبر:
=بالعقل كده …ايه مصلحه اسر انه يقتلني ؟ اعقل يا خليفه ومتبقاش غبي زيها …كفايه ان ابوها عايز يورثني بالحيا
خليفه باستغراب :ي
=يورثك ازاي؟
سرد زين علي خليفه حديثه مع عمه…انتفض خليفه لما سمعه:
=بتقول ايه ؟وانت ساكت علي نفسك؟تعالي نسافر لاي دكتور بره عشان تتعالج
ابتسم زين علي حنان خليفه وقال:
=اهدي يا خليفه واسمعنى…التقارير اللي قالها شافها عمك مش صحيحه …دي تقارير حاله تانيه…. والدكتور جالي واعتذرلي .
خليفه ببلاهه :طب ما قولتش لعمي الحقيقه ليه؟
شدد زين علي شعره بغيظ وقال:
=انت غبي يا خليفه؟عمك بيحاول يغدر بيا…وانا اروح بمنتهي البساطه اقوله الحقيقه …لا دا انا ابقيا عبيط اوى
خليفه باستفهام:
=اومال هتعمل ايه؟
=هعمل حاجه تليق بغدر الزين …عمك كبر ومعدش يقدر يشتغل في الشركه…يبقي نقدمله استقاله …وكفايه عليه لحد كده
خليفه بياس:
=بس يا زين
زين برجاء :
=سيبني يا خليفه اتصرف معاهم بطريقتي …وثق فيا …احنا اخوات وملناش غير بعض…لا انا هجي عليك …ولا انت هتيجي عليا
