صغيره في قبضتي الجزء الخامس
نظر لها…. وهي اخدت شنطتها من علي الارض، وجريت علي طول للخارج.
وهو نظر لها،وبعدين نظر للشاب مسكه من ياقة قميصه تاني قائلا بحده:لو شوفتك قريب منها تاني…. هنهيك.
وتركه، واتحرك وراها يلحقها.
رنا قربت من الشاب ببراءة:يا مسكين يا سعد… حد قالك تفكر تجيب تلت عيال.
كان مرمي وبيتنفس بصعوبة، ومغمض عينه نص نص، ووشه احمر من الضر*ب.
قالت بطفولية:معلش… ما لازم حد يد*فع تمن كدبي، خلي البت تتجوز بقي.
امام الجامعة،اتجهت للعربية وهي بتعيط، بس سيف مسك ايدها.
نظرت له بدموع قائلة :عايز ايه تاني بعد ال عملته… ابعددد.
قال لها بأسف:انا اسف… بس ولله ما شوفتش انا بعمل ايه، العصبية عمتني.
بعدت ايدها عنه قائلة :بقيت حديث الكلية دلوقتي… محدش هيسبني من لسانه بكرا.
سكت وقرب منها، وهي بتمسح دموعها بكف ايدها.
وضع يده علي خدها يمسح دموعها بأبهامه…. رفعت انظارها ونظرت له، وتقابلت اعينهم.
قال :انا اسف… متزعليش.
سكتت، حست انها هديت فعلا من نظراته وكلامه… بعدت عينها عنه بأحر*اج قائلة :احم… ط طب انا عايزة اروح.
اتنهد ومسك ايدها واخدها لعربيته، وركبها.
قالت بضيق:لا هروح بعربيتي… نزلني.
قال بهدوء:اهدي وانا هجبلك ايس كريم واحنا علي الطريق.
سكتت ونظر لها وابتسم، قفل الباب ولف، وركب هو كمان وانطلق…. وهي تنظر من النافذة بخجل.
@@@@@@@@@@@@@@@@@@@@@@@
في المساء… في فرنسا.
كانت واقفة في غرفتها وقافلة الباب…وماسكة في ايدها عصاية، وواقفة بخوف.
اتصلت بالشرطة الفرنسية كتير… لكن هي مش فاهمة اللغة الفرنسية، ومحدش فيهم كلمها حتي انجليزي، وفقدت الامل فيهم.
قلبها وقع لما سمعت تكة الباب بيتفتح، وان حد فتحه بالمفتاح.
نظرت لباب الغرفة بخوف، وهي ترتعش ولا تعرف كيف ستهرب حتي.
سمعت صوت رجال بالخارج يقولون بالانجليزي:اين هي.
تحدث شخص اخر :لقد قلت بأنها هنا.
تحدث شخص وواضح انه صوت ويل قائلا :هي هنا… بالتأكيد تختبيء.
فجاة شافت مقبض الباب بيتحرك، وسمعته يقول بالخارج:انها هنا.
الباب كان مقفول بالمفتاح، سمعت ويل يقول:افتحي يا براء… عيب كدا،انا معايا ضيوف.
سكتت بخوف.
واكمل هو بضحك:متخافيش… هنلعب معاكي لعبة صغيرة بس، مش هتحسي بحاجة.
وسمعتهم يضحكون بالخارج… تساقطت دموعها من الخوف هامسة بصوت مرتجف:ا ادم… انت فين؟!
