صغيره في قبضتي الجزء الخامس
سليم بضيق:عارف… بس هي هتفضل اختي.
ادم بحده:تمام… بس مفيش لمس،متنساش انه مبقاش في صلة دم.
اتنهد سليم ورجع خطوة للخلف وهو ينظر لها، وهي تنظر له بحزن.
ثرية قربت منها بابتسامة وهي تخرج شيء من حقيبتها:اتفضلي، دي هدية مني… وهي هدية من باباكي.
نظرت لها براء بتوتر وقالت:بس… قاطعتها ثرية بابتسامة:انتي بنتنا يا براء… مينفعش ترفضي ياحبيبتي.
اتنهدت واخذتها منها،وواضح ان بداخلها مجوهرات.
فجاة دخل المأذون.
مصطفي باستغراب:ليه المأذون دا يا ادم؟!
ادم بهدوء:هتجوز براء تاني… بس المرة دي بوكيلها الاصلي.
نظر له مصطفي وثرية بأندهاش.
نظرت له براء بضيق، وبعدها نظرت لمصطفي قائلة: انا مش موافقة وهو عايز يغ*صبني.
سكت مصطفي وهو ينظر لها.
نظر لها ادم بحده قائلا :متنسيش انك حامل في ابني يا هانم.
الكل اتصدم، ما عدا سهر ال كانت عارفة. ثرية بسعادة:بجد!! انتي حامل؟!
ونظرت لمعدتخا المنتفخة قليلا التي لم تنتبه لها من فرحتها بأبنتها.
مصطفي بابتسامة:وعايزة تتطلقي وانتي حامل منه؟!
نظرت له بضيق قائلة :اه…. ايوا عايزة اطلق، واشوفش وشه تاني.
اتنهد مصطفي ونظر لادم، وبعدها نظر لبراء قائلا :ممكن اتكلم معاكي انا ووالدتك علي انفراد.
نظرت له باستغراب وقالت:تمام.
اخذتها ثرية، وادم فتحلهم باب مكتبه بضيق، وهو ينظر لتلك الصغيرة بحده.
دخلت هي وثرية، وجه مصزفي يدخل، بس وصع يده علي كتف ادم بهدوء ومبتسم قائلا :انا هفهمها.
اومأ له ادم بهدوء، ودخل مصطفي وادم قفل الباب.
واتجه ناحية الكنبة وقعد، بتنهيدة متعبة.
جلس المأذون ينتطر، ومعاهم خليل.
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
داخل المكتب.
قعدوا علي الكنبة، وهي في المنتصف.
مصطفي بابتسامة :انا شايف ان قرارك غلط.
نظرت ل بصدمة قائلة :انت معاه ولا معايا.
قال بابتسامة:يا حبيبتي، انا مع الصح… انتي فاهماه غلط.
قالت ودموعها في عينيها:دا كان عايز يقت*لني، وياخد قلبي.
قالت ثرية:بس معملش كدا، رجع في كلامه في اخر لحظة.
قالت بدموع:ولو، دا ضحك عليا ووهمني بالحب، وهو كان بيخطط ياخد قلبي لحبيبته.
مصطفي بهدوء:مايان عمرها ماكانت حبيبة ادم، دي كانت صحبته… لما جه امريكا كانت حالته صعبة بسبب فقدان والده وهي ال كانت معاه ووقفت جمبه، يمكن لما تعبت شاف انه دين ولازم يرده بأنه يرجعلها حياتها، انا معاكي في انه مفكرش صح، وقراره كان غلط ومكنش ينفع يدور علي تؤامها عشانها.
اكمل بصوت مبحوح:مايان كانت بنتنا الوحيدة، بعد ما افتكرنا انك خلاص مبقتيش موجودة… لكن ادم رجع وانتي معاه… صدقيني انا بشوف الحب في عينه ليكي، ادم معروف بقسوة قلبه وبروده… اول مرة اشوفه كدا.
