صغيره في قبضتي الجزء الخامس
قال:لقطيها امتا دي؟!
قالت بابتسامة:من زمان، بس انت مكنش عندك وقت تفتش معرض الصور بتاعك.
ابتسم، وقالت هي:اياك تغيرها، سيبها.
قال بابتسامة خفيفة:حاضر…انتي توأمري.
ابتسمت بخجل وسكتت
لكن نظرت له وقالت:ممكن اطلب طلب؟!
قال بهدوء:قولي.
قالت وهي تنظر للاسفل:ممكن نعيش انا وانت في الفيلا.
نظر لها يهدوء وسكت.
نظرت له قائلة :عايزة نكون مع بعض، نكون لوحدنا…م مش عايزة اكون مقيدة، عايزة اكون حرة في بيتي، والبس ال انا عايزاه….واعمل ال عايزاه، عايزة اهتم بيك وبالبيت وبشغلي بس بعد الولادة…وكمان انا ال هطبخ.
قال مبتسماً:هتأكليني اندومي؟!
ضحكت وقالت:يعني…مش كل يوم.
قال :بس انا مش بحبه.
قالت بدلع وهي تقترب منه:حبه عشاني.
ابتسم، وشدها من خصرها ليه، ناظرا لها وهما قرييبين اوي من بعض: خفي دلعك دا شوية، انا مش ببقي قادر امسك نفسي.
ابتسمت بخجل وقالت وهي تضع يديها علي كتفه:حاضر…طب قولت ايه؟!
اتنهد وقال:حاضر، هنروح الفيلا.
ابتسمت بفرحة، وحضنته وهي تلف يدها حوالين رقبته.
قال:بس انا عايز مكافئة بقي.
بعدت وضر*بته علي كتفه بخفة قائلا :بعد تلت شهور… ونص.
نظر لكتفه وبعدها نظر لها مبتسما بخبث:ايدنا طولت اوي اليومين دول.
مسكت الجرافتة بتاعته وشدته لعندها قائلة :خلاص بقي ارضي بنصيبك.
حاوط خصرها بأذرعته قائلا:انا راضي، طالما انتي معايا.
نظر لها،ونظرت له….تقابلت اعينهم، الذي تظهر حبهم جيدا لبعض….هذا كلام العيون….وكما يقولون العيون فضاحة
@@@@@@@@@@@@@@@@@@@@@@
في المساء.
في قصر السيوفي…. كان ادم وبراء موجدين وزين…لكن الجدة في اوضتها.
ثرية:انا كنت عايزة اقولك حاجة يا رغد.
رغد بابتسامة:اتفضلي.
قالت ثرية بابتسامة:جايبالك عريس.
نظروا لها الجميع ،وسيف كان بيشرب عصير وينظر لهاتفه، لكنه بصق العصير من فمه بصدمة ونظر لثرية بحده.
ثرية بابتسامة:ابن صاحب مصطفي، اسمه امير، من اميركا.
رغد بتوتر:ا انا مسلمة.
ثرية:ما هو كمان مسلم… بس متربي في اميركا.
خليل بابتسامة:دا شرف لينا، بس كله بموافقتها.
مصطفي:وانت يا ادم…انت بصفة اخوها الكبير.
ادم بهدوء:زي ما عمي قالك، كله بموافقتها.
سكتت رغد ونظرت لسيف ال بياكلها بعنيه الحادة.
ابتسم ادم بخبث قائلا :ايه يا سيف…مش ناوي تقول حاجة؟!
