صغيره في قبضتي الجزء الخامس
ثرية بدموع وهي تمسك يديها:مايان قبل ما تسيبنا بتطلب منك السماح، وبتقولك سامحي ادم… هو مكنش قصده بس هي كانت صحبته وبيعتبرها زي اخته…. سامحيها، وسامحيه ارجوكي… خليها ترتاح.
سكتت براء بحزن ونظرت للاسفل.
قالت ثرية:دي اختك يا براء… انتوا تؤام، وقلبكم واحد.
نظرت لها براء.
واكمل مصطفي:طول الخمس شهور دول، مشوفتش ادم بيرتاح… علي طول في الشغل وفي السفر بيدور عليكي في كل البلدان، دا بيحبك… بس هو محتاج فرصة.
قالت ثرية:ولو فشل في الفرصة دي، متقلقيش… اهلك معاكي ومش هنسيبك… انتي بنتنا وحتة مننا.
تساقطت دموع براء بحزن وتردد.
قال مصطفي :عشان ابنكم… متخليهوش يتربي من غيره.
سكتت براء واتنهدت، وبعدها قالت:مش سهل اسامحه.
قالت ثرية:انا عارفة، بس خليكي عايشة معاه علي الاقل… خلي ابنكم يتربي وسطيكم…. عشان خاطرنا، ادم كويس ولله، بس محتاج ال يقف جمبه ويعلمه ازاي يحب كويس.
اتنهدت براء بحزن وقالت : حاضر… موافقة.
ابتسم مصطفي وقال:انا قررت انا ووالدتك نستقر في مصر، عشان نفصل جمبك.
ابتسمت براء:دا افضل قرار.
مسح مصطفي علي شعرها:وهو احنا لينا غيرك.
ثرية بايتسامة: انا متحمسة بصراحة، هبقي جدة اخيرا… الطفل ال هييجي انا ال عربيه، تعويض عن السنوات ال بعدتي فيها عني.
حضنتها براء،وثرية بادلتها الحضن بمحبة وحنان.
@@@@@@@@@@@@@@@@@@@@@@
في شقة زين….كانت شقة واسعة وفخمة….في مجمع راقي.
كان نايم في اوضته وعا*ري الصد*ر، صحي بأنزعاج علي صوت في الخارج.
قام بعصبية ورمي المخدة علي الارض، وقام خرج بسرعة.
الصوت كان جاي من المطبخ…. اتجه هناك بغضب، وشاف رنا بتحاول تجيب طبق من فوق لكن مش عارفة، وعمالة توقع في باقي الاطباق الكبيرة والكوبيات.
كانت واقفة بركبتها علي الرخامة وهي بتحاول تجيب طبق معين.
قال بغضب:بتعملييي ايييه؟!
اتخضت وكادت ان تقع علي ضهرها، لكنه لحقها وشالها.
نظرت له بصدمة، وهو ينظر لها بحده.
نزلت بسرعة وخجل وهي تنظر للاسفل.
قال بحده:ممكن افهم بتعملي ايه؟! انا بقالي ست شهور اصحي كل يوم علي الكراكيب دي.
قالت بتوتر:ا اسفة.
قال بعصبية:اعمل ايه بأسفك دا.
قالت بحزن:كنت عايزة اجيب الطبق ال عليه وردة دا.
اتنهد بحده،وجاب هو الطبق، فا هو اطول منها…. وضعه علي التربيزة بحده وخرج.
وهي تنظر له بحزن قائلة :انا لازم اشوف حتة تانية اعيش فيها، وتكون بعيدة عن عمي برضوا.
نظفت المطبخ، وجهزت الفطار وحطته علي السفرة برا.
