صغيره في قبضتي الجزء الخامس
فيروز بضيق:بلا حب بلا زفت… ادم طول عمره قلبه قاسي، يوم ما ييجي يلين، يلين علي دي.
اتنهدت سهر قائلة :يعني مش عاجباكي؟!
فيروز:اه… لو طلقها انا هجبله ست ستها.
ابتسمت فيروز:طول الخمس شهور بتحاولي تقنعيه انه يتجوز، وهو كان بيصدك، او مكانش مهتم بكلامك اصلا… كله همه انه يلاقيها.
قالت فيروز بضيق:بقي ضعيف اوي من يوم ما البنت دي دخلت حياته.
قالت سهر: بالعكس… دا غير انه كان عنده شبيهتها، بس هو اختارها هي.
سكتت فيروز بضيق.
سهر بهدوء:دي حامل… منه.
اتصدمت فيروز ونظرت لها قائلة :ايه!!! مين دي ال حامل؟!
سهر:براء… حامل وداخلة علي الشهر السادس دلوقتي،دا ابن حفيدك.
سكتت فيروز بصدمة وعدم استيعاب.
اتنهدت سهر وقامت وقفت، ونظرت لها وقالت:متد*مريش حلم كامل… كان نفسه يشوف حفيده، بس ربنا يرحمه.
نظرت لها فيروز،وكأنها اتنغزت في قلبها.
خرجت سهر
وفيروز ارتعشت، نظرت ليديها المرتعشة بخوف… اتر*عبت عندما رأت بقع دم علي يدها.
قامت بسرعة وخضة ونظرت لايدها، لكن ما فيهاش حاجة طبيعية.
مسكت رأسها بخوف ورعشة، وبلعت ريقها….
لكن اتصدمت لما لقت كامل واقف قدامها وعلي هدومه دم، ينظر لها بغضب قائلا :عملتي ليه كدا… كل حاجة كانت هتتصلح، ليه عملتي كدا؟!
اترعبت ورجعت بخطواتها للخلف، وهي تتعرق و خائفة.
وقعت علي الارض، رفعت نظرها تبص علي كامل، لقته اختفي.
وضعت يدها علي قلبها بخوف، وهي تنظر للدولاب بخوف.
@@@@@@@@@@@@@@@@@@@@@@
في الصباح… في اميركا،في فيلا مصطفي.
دخلت ثرية بسرعة مكتب جوزها مصطفي، وكان قاعد مع بعض موظفين شركته.
ثرية بلهفة:رجعها يا مصطفي… رجعها.
مصطفي باستغراب:هي مين؟!
ثرية:براء… بنتنا.
قام وقف بسرعة ولهفة قائلا :بجد… رجعت،نادي جاك، قوليله يجهز الطيارة.
جريت ثرية بسرعة.
نظروا له الموظفين باستغراب:هل كل شيء بخير سيدي؟!
مصطفي بفرحة:بنتي رجعت… امشوا انتوا يلا انا مش فاضي، هسافر.
ابتسموا علي سعادته، وقاموا وخرجوا.
وهو خرج بفرحة ينادي الخد*م:جهزوا الشنط، هنسااافر.
جت ثرية بفرحة:لازم نجبلها هدية… ونجهز حاجتنا.
ونظرت للخدم:افتحوا الستاير، الفرحة هترجع للبيت تاني.
ابتسموا الخدم واتجهو فتحوا الستاير، فا من بعد ما ذهبت مايان لم يعد لاي شيء في حياتهم طعم.
