صغيره في قبضتي الجزء الخامس
رغد بحزن:جهزي صينية، وانا هطلعها لبراء، دي حامل مينفعش تقعد من غير اكل.
خليل:معاكي حق… لازم نهتم بمراته في غيابه.
اتنهدت رغد وقامت دخلت المطبخ تجهز الصينية.
جنا كانت بتعيط بصوت مكتوم، وفجاة جت رسالة علي تلفونها “انا واقف برا، ممكن اقابلك؟ خمس دقايق بس.
اتنهدت بحزن وقامت خرجت علي اساس انها هتشم هوا.
خرجت ولقته واقف امام بوابة القصر بقليل.
اتجهت ناحيته وشاورت للحراس انها خمس دقايق وهتيجي، ومحدش ييجي وراها.
خرجت ووقفت معاه امام سور القصر.
قال بحزن:البقاء لله.
اومأت بحزن وسكتت.
قال:براء كويسة؟!
قالت بصوت مبحوح:اه… بس تعبا*نة شوية.
اتنهد وقال بحزن:وانتي… كويسة؟!
رفعت انظارها ونظرت له وتقابلت اعينهم… فجاة تساقطت دموعها بحزن واترمت في حضنه.
اتصدم،لكنه محبش يبعدها ووضع يديه علي كتفها.
قالت بأنهيار ودموعها غرقت قميصُه:دا كان ابويا مش اخويا بس….مش قادرة استوعب اني مش هشوفه تاني، ا انا م مش قادرة، مش قادرة حتي اخد نفسي من ساعة ال حصل.
مسح علي ضهرها بهدوء وخفة قائلا :اهدي بس، هو في مكان احسن.
قالت بدموع:م مش قادرة استوعب ولله… كل ما افكر اني مش هشوفه تاني بتجنن، وقلبي بيتقبض.
سكت بحزن وضمها اكثر لحضنه وهي تنهار من البكاء.
في الداخل، طلعت رغد بصينيه الاكل لغرفة ادم وبراء… خبطت كتير بس محدش فتح.
اتنهدت وفتحت الباب ودخلت، ملقتش حد….استغربت.
حطت الصينية علي التربيزة واتجهت ناحية غرفة الملابس، وملقتهاش برضوا.
خبطت علي باب الحمام ومفيش رد… فتحت الباب وقلقت مكانش في حد نهاءي في الاوضة.
خرجت للخارج بسرعة ودورت عليها في البلكونة بقلق…. جريت للاسفل بخوف وتوتر.
نزلت تحت وقالت بسرعة:براء مش في اوضتها.
نظروا لها بأستغراب.
سيف قام وقف :اومال فين؟!
الجدة:يمكن في الحمام.
رغد بقلق:لا، انا دورت عليها في كل مكان، ومش لقياها خالص.
خليل بدهشة:اومال هتروح فين يعني؟!
ثرية بقلق:اتصرف يا مصطفي.
مصطفي نظر لها، وبعدين بص لخليلخليل نادا علي كل الخدم بسرعة قائلا :دورا علي براء بسرعة… كل حتة في القصر تتفتش.
اومأوا له ولفوا في القصر كله.
خرج خليل ومصطفي وشافوا الحراس.
قال خليل:براء خرجت النهاردة؟!
نظر الحارس للاسفل وقال:لا يا بيه… مخرجتش خالص النهاردة.
مصطفي بقلق:بنتي اتخطفت يا خليل… اكيد حد خطفها.
خليل:ازاي بس، الحراسة النهاردة كانت علي الابواب… يمكن هي مشيت تتمشي.
