صغيره في قبضتي الجزء الخامس
خرج من غرفته وهو يرتدي بدلته الرسمية ولونها بيشي.
نظرت للاسفل بحزن واحراج:ا انا همشي الليلة، وهرجع السكن تاني.
قال بجمود:مش قولتي عمك هياخدك، لو عيشتي هناك؟!
قالت بحزن:عارفة، بس يمكن هو خلاص، نسي الموضوع وهيسيبني في حالي.
نظر لها بهدوء :طالما عايز يجوزك ابنه، يبقي الحكاية فيها ورث… وبما انها فيها ورث، يبقي مش هيسيبك.
قالت بضيق:طب اعمل ايه… انا مينفعش اعيش مع واحد غريب، وغير كدا انت مش طايقني.
نظر لها قليلا وبعدها قال بهدوء:انا اسف…كنت صاحي مضايق… وطلعت عصبيتي عليكي، تقدري تقعدي هنا، لحد ما اشوفلك شقة مناسبة وتروحي تقعدي فيها. قالت بحزن:بس كدا كتير.
قال وهو يأخذ قطعة خيار:لا كتير ولا حاجة، ويلا انا اصلا عايش لوحدي وانتي مخلية للبيت صوت.
ابتسمت بخفة وهو اتجه ناحية الباب وقال:لو احتاجتي حاجة اتصلي عليا.
اومأت بابتسامة، وهو خرج… قعدت علي الكنبة بهيام، وهي بتفكر فيه.
قامت بسرعة وصدمة قائلة :لا، عيب… مينفعش كدا،ا انا هروح الجامعة احسن.
ولمت الفطار ،واخدت حاجتها وخرجت، قفلت الباب بالمفتاح، ونزلت ركبت تاكسي وهي تفكر به.
لم تكن تعلم بمن يقف بعيدا ويراقبها.
في قصر السيوفي.
الباب اتفتح وخرج مصطفي وثرية ووراهم براء ال منزلة وشها في الارض بضيق.
ادم نظر لمصطفي،ومصطفي اومأ له بهدوء، وكأنه بيطمنه.
ادم نظر للمأزن:يلا يا شيخنا.
وقعدوا علي الكنبة،وقعدت براء… وادم ينظر لها وهي كانت بجانب مصطفي.
والمأذون قاعد بين ادم ومصطفي، وخرج المنديل وبدأ يتكلم.
جنا كانت واقفة سعيدة وسليم جمبها.
همس لها قائلا :ايه الفرحة دي كلها؟!
قالت بهمس:مبسوطة اني حضرت كتب كتاب اخويا.
ابتسم وقال:عقبالك.
اتكسفت وقالت:شكرا.
ابتسم عليها، ونظر لبراء قرب منها وقعد علي ركبته ونظر لها قائلا :تاني مرة متهربيش… لو محتاجة مساعدة، تعالي لاخوكي.
ابتسمت له، وهو ابتسم وقام وقف.
سيف كان واقف مبتسم، ومال علي رغد وقال:مش ناوية بقي انتي كمان تتجوزي.
قالت بغر*ور:ملكش دعوة، لما عريس يوصل هبقي امشي معاه، ومش هتشوفني تاني.
قال بخبث:ليه هو انتي متعرفيش، انك هتعيشي هنا علي طول… حتي هتتجوزي هنا برضوا.
نظرت له بغي*ظ، وهو ابتسم بخبث ونظر امامه.
انتهي المأذون،وسلم عليهم وخرج.
