عشق الرجال الجزء الأخير
وقفت سريعاً حين دلف خالد وخلفه نديم الذى كان ينظر إليها بأحترام كبير وتقديس من هيئتها المحتشمه وأيضاً فى محاوله منه لتنحيه عقله عن التفكير بها بشكل غير لائق
قالت بترحيب
– أهلاً سيادة المقدم الدار نورت
ليقول خالد بأدب
– الدار منوره بأصحابها وسكنها ان شاء الله
لتبتسم إبتسامه لم يراها ولكن الواقف بجانبه شعر بها نظرت إلى نديم وقالت
– أهلاً وسهلاً نورت
لتتسع ابتسامته وقال
– شكراً
أشارت لهم بالجلوس ليجلس خالد وهو يقول
– أنا جاى أشوف لو محتاجه أى حاجه قبل الإفتتاح مش كمان أسبوع برضوا
لتهز رأسها بنعم وقالت
– ان شاء الله فى معاده إللى بلغت حضرتك بيه ولو على المساعدة فحضرتك عملت كتير …. كتر خيرك
ليقول نديم بهدوء
– أنتوا بتقبلوا تبرعات
لتنظر إليه باهتمام وقالت
– اه طبعاً أنا مش همنع خير جاى لناس كبيره ومحتاجه كمان الدار دى صدقه جاريه بأسم حمزه وأكيد كل إللى بيحب حمزه يقدروا يساعدوا
ليقف على قدميه وأخرج رزمه ماليه من جيب الجاكيت وقال
– ده مبلغ صغير وان شاء الله فى مبلغ شهرى للدار
لتقف سريعاً وهى تقول
– كتر خيرك والله ربنا يجعله فى ميزان حسناتك
ليقف خالد وقال بإقرار
– أنا وسيادة اللوا شاكر وبعض الزمله هنحضر الإفتتاح ووقتها هنسلمك التبرعات إللى أحنى جمعناها
لتبتسم بسعاده وراحه وهى تقول
– أنا مش عارفه أشكركم إزاى
ليقول نديم
– حمزه الله يرحمه كان يستاهل أننا نعمل كل إللى نقدر عليه علشانه واحنى مكانه فى أى وقت
وأكمل خالد قائلاً
– وأرملة الشهيد تأمر واحنى ننفذ
كانت تبكى من السعاده وتتمنى وجود حمزه الأن بجانبها
••••••••••••••••••••••••••••••••••••••••••••••••
كانت تقف أمام خزانتها تبحث عن شىء ما ترتديه لتذهب إليه فى الشركه تريد أن تفاجئه ولكنها تذكرت شىء ما
تحركت فى إتجاه السرير وجلست وهى تمسك هاتفها الموجود على الكومود واتصلت به وحين سمعت صوته قالت
– وحشتنى اوووى … أنت فين ؟
صمتت تستمع إلى إجابته التى أسعدتها بشده
– وأنتِ كمان وحشتينى جداً
ابتسمت ثم قالت
– طيب أنا بتصل علشان أستأذنك عايزه أنزل أجيب حاجات
ليصمت لعدة ثوانى ثم قال
– المسألة مش أستأذان يا حور بس ابقى عارف أنتِ رايحه فين علشان لو حصل أى حاجه
لتقول هى بصوت رائق
– عارفه يا سليمان أنا مش هتأخر ماشى
– ماشى خلى بالك من نفسك
