عشق الرجال الجزء الأخير
•••••••••••••••••••••••••••••••••••••••••••••••
كان يقود سيارته حين أتصلت به والدته تخبره أن يحضر إلى البيت الكبير بدل المستشفى فأخته قد غادرتها وكان حديثها يحمل من اللوم الكثير ….. ظل يفكر فى زوجته وحالتها الصحيه ….. أنها تحتاج لدعم الجميع لا للوم أو العتاب أمسك هاتفه من جديد وأتصل بالحج عثمان يطلب منه الحضور إلى بيت النادى لتنظر له فدوى بصدمه وهى تقول
– أنت بتكلم بابا ليه ؟
ليمسك يدها يقبلها بحب وهو يقول
– أنتِ طلبتى منى أنى ماقولش لحد حاجه لغايه ما نعرف أيه الحكاية بالتحديد ودلوقتى عرفنا الكل لازم يعرف ويساندك ويقف معاكى
لتتنهد بضيق وهى تقول
– ليه اخوفهم وأقلقهم
ليقول بهدوء
– مافيش حاجه تخوف بس كمان الحاله النفسيه مهمه جداً ولما تلاقى كل إللى بيحبوكى جمبك أكيد ده هيساعدك فى العلاج
لتأخذ نفس عميق وهزت رأسها باستسلام
••••••••••••••••••••••••••••••••••••••••••••••••
وصل رحيم ومسك إلى بيتهم وحين دلفوا إلى البيت توجهت مسك سريعاً فى إتجاه الغرفه التى كانت تنام بها ليلحقها سريعاً وهو يقول
– رايحه على فين ؟
لتنظر إليه باستخفاف وقالت
– داخله أنام عندك مشكله
ليلوى فمه كالأطفال وهو يقول
– لأ طبعاً أكيد معنديش مانع … بس مش هنا
وأشار بأصبعه إلى الغرفه لتقطب جبينها بضيق ليقول هو بابتسامه واسعه
– من النهارده مكانك هنا
وأشار إلى غرفته لتكتف يدها أمام صدرها وقالت بعناد
– ليه بقا ان شاء الله
ظل صامت ينظر إليها بتمعن ثم قال
– أنتِ بتحبينى ومطمنه معايا وعلشان كده بتتكلمى من غير أى توتر أو قلق مش كده
لتقطب جبينها وهى تنظر إليه بصمت ثم قالت
– أنت عايز أيه ؟
ليقترب منها وهو ينظر إلى عمق عينيها وقال
– عايز أحبك وتحبينى عايزك تثقى فيا
اخفضت رأسها تنظر أرضا وتجمعت الدموع فى عينيها وقالت بتوتر
– باااااابببا ووووحححشنى اااااوى هوووو بس الللى كككنت بثق فففففيه
ليضمها بقوه وقال بصدق
– وأنا موجود هنا علشانك ومستعد أكون ليكى كل إللى بتتمنيه أنتِ مكنتيش بتثقى فى غيرى طول الوقت إللى فات أيه إللى أتغير
لم تجيبه بشىء ظلت فقط تبكى بصمت وبعد عدة دقائق رفعت يديها تحاوط خصره بقوه وهى تبكى بصوت عالى ولكن بكاء ليس حزناً بل لإخراج كل ما بداخلها حتى تهدء روحها وكان هو على شفاه إبتسامة سعاده ورضا
