عشق الرجال الجزء الأخير
– عايز أيه يا مزعج على الصبح
ليتكلم نديم بجديه
– خالد فى أقل من نصف ساعه عايزك تكون موجود على مكتبك علشان تجهز القوات ويكونوا الأكفئ
اعتدل خالد وانتبه لكلمات نديم وقال بجديه
– هنخلص النهارده
لينظر نديم إلى باب اللواء شاكر وقال
– أيوه …. استعد
لينهض خالد من سريره وهو يقول
– دقايق وهكون عندك
أغلق الهاتف مع خالد ودلف إلى اللواء شاكر ودقائق وخرج من عنده وهو يرتسم على وجهه الحماس والثقه
الفصل الأخير
كان أندورا يقف هو وماركوس ورامز فى مكان صحراوى وحولهم مجموعه من الرجال منهم أشخاص ضخام ومعهم أسلحة وأشخاص آخرين بدون سلاح
وكان ماركوس يقف بصمت وهو متحفز ينظر فى جميع الاتجاهات
وكان الجميع فى أنتظار وصول ريتشارد الرجل الأكبر و المسؤل عن أعمال المافيا فى الشرق الأوسط
وكان نديم وخالد ينتظرون الإشارة المتفق عليها حتى يتم الهجوم
•••••••••••••••••••••••••••••••••••••••••••••••
كان الحج نعمان جالسا فى الغرفه الكبيرة كعادته اليوميه ليدلف إليه الحج عمران الذى جلس بجانبه بعد أن ألقى التحية
ظل الصديقين صامتين لبعض الوقت حتى قال الحج عمران
– إزاى قدرت تكمل بعد حسن ومنصور وأنا حاسس أنا الدنيا وقفت بعد حمزه رغم أن كل حاجه قدامى ماشيه وكأن مفيش حاجه ناقصه ولا كأن حفيدى مات
أخذ نعمان نفس عميق ثم قال
– الحياه ماشيه يا عمران ومش بتقف دى حكمه ربنا فى ملكوته … لكن حزنك ساكن قلبك يمكن يقل مع الوقت والأيام لكن ديماً هتحن ديماً هتشتاق ومن وقت للتانى قلبك هيتوجع وتتمنى لو كان موجود
ظل عمران صامت يستمع لكلمات صديقه ثم قال
– اللهم لا إعتراض …. طمنى عليك يا صاحب عمرى
أبتسم نعمان وهو يقول
– الحمد لله …. شايف احفادى حياتهم إللى بتتحسن
ليقول عمران
– صحيح أنا فرحان علشانهم جداً رغم أنهم لسه فى أول الطريق لكنهم ماشين صح
••••••••••••••••••••••••••••••••••••••••••••••••
ثلاث سيارات سوداء كبيره تسير فى إتجاه تجمع رجال أندورا و ماركوس الذى أبتسم بانتصار
حين ترجل ريتشارد وحوله رجاله استمع نديم إلى الإشاره المتفق عليها لينظر لخالد وقال
– مستعد
ليخرج خالد سلاحه وهو يقول
– جداً
وفى ثوانى قليله كانت قوات الشرطه تحاوط رجال المافيا من ثلاث جهات بسب ذلك المبنى المهجور الموجود خلفهم وقامت حرب ضروس بينهم وكان هناك بالإضافة لقوة وبسالة رجال الشرطه كان هناك الكرت الرابح رجل نديم السرى الذى كان بين صفوف المافيا ويساعد الشرطه
